Celebrada en Xove a XXVª Tirada de Bólos, organizada pola Concellería de Cultura

Xove, 5 de novembro de 2013. O pasado sábado día 2 de novembro celebrouse en Xove a XXV Tirada de Bólos, XIV na categoría Sub-16, e V na Liga Feminina. Tiveron unha tarde fría con vento e choiva que dificultou as tiradas dos 33 xogadores inscritos, destacando os 10 da categoría Sub 18. Este acto foi organizado pola Concellería de Cultura de Xove, en colaboración co IES Illa de Sarón e o clube de Bólos de Xove.

Liga Senior Masculina.- Victoria dunha das grandes promesas desta Liga; os 13 puntos acadados por Alex Meitín permítenlle acceder á 5ª posición. Cambio no liderato, que agora está ocupado conxuntamente por José Manuel Cociña, xogador máis regular ata o momento, e Francisco Pérez, ambos con 37 puntos. José Rafael González con 36 pasa a ocupar a segunda posición, seguido de Jaime Álvarez con 34 e o citado Alex Meitín. Polo momento, gran igualdade na cabeza, con varios xogadores (José Manuel Cocina, Jaime Álvarez e Álex Meitín) cos que en principio non se contaba que estiveran tan alto na táboa. E con respecto á pasada liga, xogadores como César Cancelos e Arturo Vigo, que en principio deberían estar entre os favoritos, están a ocupar os últimos lugares da clasificación.

Liga Senior Feminina.- Nesta categoría notouse a dureza do campo, no cal varias das principais favoritas acabaron con puntuacións baixísimas, en especial Belén Meitín, que realizou 4 cucadas, ousexa, cero tantos. A victoria de Dolores Baño permítelle alonxarxe na clasificación e manter o liderato polo menos un par de semanas máis. O segundo posto de Paula Campo permítelle desprazar a Salomé Bermúdez da terceira posición da táboa.

Liga Sub 18.- Os Sub 18 tamén sofriron a dureza do campo, en especial os tres primeiros da clasificación, xa que a eles non se lles permite a “cucada”, que só é válida para os xogadores de 14 ou menos anos. Esta coxuntura permiteulles a Daniel Alonso e a Miguel López achegarse aos postos de privilexio, xa que cos 13 puntos que teñen os dous están a só 4 de Daniel López e a 3 de Isaias Cardoso. Tanto Daniel coma Miguel, que comezaron na liga esta temporada, están a realizar grandes progresos no seu xogo, e inda que seguramente non van constituir un perigo para os tres de cabeza, si estamos seguros que na vindeira tempada van representar o mellor desta categoría.

A vindeira tirada vai ter lugar no CENTRO SOCIAL DE A VARA, O VINDEIRO SÁBADO, 9 DE NOVEMBRO DE 2013.