Foz, 13 de novembro de 2013. As charlas informativas sobre o Plan Xeral de Ordenación Municipal de Foz organizadas polo Concello e nas que participarán o alcalde, Javier Jorge Castiñeira, e técnicos municipais desenvolveranse nas parroquias dende este vindeiro sábado ata o mércores da próxima semana.
O rexedor municipal anunciou hoxe que “este vindeiro sábado, día 16, empezan as charlas sobre o Plan Xeral nas que estarán, aparte do alcalde, os técnicos municipais, para explicar a todos os veciños de todas as parroquias de Foz o PXOM que está en exposición ao público durante os meses de outubro e novembro”.
A primeira xuntanza informativa sobre o plan urbanístico será este sábado 16 na escola de San Acisclo ás 17 horas; e ese mesmo día ás 19 horas haberá outra no centro social de Santa Cilla. O luns 18 corresponderalles ás parroquias de San Martiño e Vilaronte: na primeira será ás 19 horas no teleclub e na segunda ás 21 horas no local da asociación de veciños. O martes, día 19, haberá charlas na escola de Fazouro, ás 19 horas, e no centro social de Nois, ás 21 horas. E rematarán o mércores, día 20, con xuntanzas ás 19 horas no centro social de Cordido e ás 21 horas no de Cangas.
Con este ciclo de charlas “explicaremos cos técnicos municipais o contido do plan nesas parroquias e todas aquelas dúbidas que se poidan expresar por parte dos veciños sobre o estado no que queda cada zona dende o punto de vista urbanístico”, comentou Javier Castiñeira, quen aclarou que “estas son as charlas verdadeiramente válidas, pois o resto entendo que son actos políticos por parte doutros grupos que eu creo que aproveitan esas reunións para falar doutras cousas que non son o Plan Xeral”. Por iso o alcalde invita “a todos os veciños das parroquias a que acudan a estas charlas, nas que serán ben informados polos técnicos do Concello”.
Castiñeira tamén anunciou que “a comisión do PXOM vai ter os días 21 e 22 deste mes á súa disposición aos técnicos redactores do plan para que todos os membros que o desexen, tamén os representantes das parroquias e dos grupos de traballo, poidan informarse de todas aquelas cousas que lles afecten aos colectivos que representan”.
“Esa é a forma de facer as cousas, con transparencia absoluta e tranquilidade. Quero dicirlles aos veciños que o Plan Xeral é algo moi serio, que o concello de Foz necesita un PXOM en condicións, que non pode quedarse atrás, que o resto dos concellos están avanzando neste sentido. O concello que se quede atrás evidentemente sufrirá un retraso importantísimo. É fundamental que os veciños estean ben informados, que defendan os seus intereses, pero tamén que entendan que un concello coma Foz non pode estar cunhas normas do ano 81, que provocan unha inseguridade xurídica enorme, que non están actualizadas, polo que se non se aproba un plan xeral os problemas poden ser moito maiores. Por iso entre todos, entre os grupos políticos e os propios cidadáns, temos que sacar adiante esta nova normativa e ter un planeamento moderno, que é o que necesitamos. A partir de aí haberá unha seguridade xurídica para todos aqueles que queiran investir no noso concello”, rematou o rexedor municipal.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
