Lugo, 15 de novembro de 2013. O delegado de Cultura, Turismo, Ensino, Normalización Lingüística e Patrimonio Histórico, o nacionalista Mario Outeiro, informou este venres na rolda de prensa posterior á Xunta de Goberno da Deputación que se vén de aprobar esta mesma mañá un convenio de colaboración polo que o ente provincial outorga unha subvención de 25.000 euros para sufragar os gastos derivados do proxecto “Deseño de videoclases AVIP e recursos multimedia accesibles nun entorno EEES (Espazo Europeo de Educación Superior) de ensinanza a distancia”.
O obxectivo principal deste proxecto é mellorar o grado de accesibilidade á actual ferramenta AVIP da UNED, baseada nunha plataforma de telecomunicacións e medios audiovisuais que permite o acceso a seminarios e contidos desde as aulas universitarias dependentes de cada centro asociado e desde calquera punto con acceso a internet.
Neste senso, Mario Outeiro explicou que “é un feito probado que as novas tecnoloxías e, en particular, as Tecnoloxías da Información e as Comunicacións (TIC) aportan dimensións ata agora inalcanzables para as persoas que padecen algún tipo de discapacidade, axudándoos a suplir as súas carencias e potenciando as súas capacidades, ao tempo que potencian a súa autonomía e independencia e favorecen a súa integración familiar e social”.
“É evidente – continuou o delegado- que o acceso á información on-line ofrece significantes vantaxes fronte ao papel para este colectivo e tamén para persoas maiores. As novas tecnoloxías permiten ás persoas con discapacidade realizar actividades que doutro xeito lles resultarían moito máis arduas e posibilítanlles acceder a servizos que lles estaban vedados”.
O proxecto “Deseño de videoclases e recursos multimedia accesibles nun entorno EEES (Espazo Europeo de Educación Superior) de ensinanza a distancia” enmárcase no campo das Tecnoloxías da Rehabilitación, que constitúe un sector tecnolóxico multidisciplinar orientado á procura de solucións no campo da accesibilidade integral mediante dúas estratexias de intervención diferentes pero complementarias: o desenvolvemento de axudas técnicas, dispositivos e sistemas deseñados especificamente para persoas con discapacidade ou persoas maiores; e a mellora da accesibilidade no deseño da contorna de uso xeral e dos produtos e servizos de consumo xeral.
Mario Outeiro rematou loando “a importante función social que leva a cabo a UNED de Lugo grazas a cal, ademais do público en xeral, persoas con capacidades diferentes poden acceder á formación, algo que contrasta coas políticas de austeridade en materia de Educación da Xunta de Galiza que opta por reducir profesores universitarios. A austeridade non debe implicar recortes na educación xa que sen ela non lograremos superar a situación de crise. A Universidade debe ofrecer coñecementos de calidade pero tamén debe fomentar o espírito emprendedor dos estudantes”.
Bolsas formativas
Mario Outeiro tamén informou da aprobacióndas bases que rexerán a oferta de tres bolsas formativas en materia de “Educador/a Museos”, “Arquivos/Biblioteca” e “Investigación Ceramolóxica” para a Rede Museística Provincial de Lugo, e que terán unha duración de 7 meses durante as anualidades 2013-2014, dotadas cunha contía próxima aos 6.000 euros cada unha delas.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
