O Burela FS Pescados Rubén tan só puido conseguir un punto nunha tarde pouco afortunada na visita do pechacancelas, Colegios Arenas Gran Canaria (2-2), que chegaba sen puntos a Vista Alegre. Malia tomar a iniciativa sobre a pista, os pupilos de Juanlu víronse obrigados a ir a remolque no marcador nun partido que pechou Matamoros co empate a 18 segundos para a bucina final.
Comezaron os locais con ganas de dominar o xogo e poñer perigo sobre a meta canaria, con grandes chegadas de Mimi, xa no minuto 1, e Hugo, no 3. No entanto, foi o Colegios Arenas o que atopou a primeira diana; practicamente na súa primeira ocasión, Aitor gañaba un rexeitamento de Edu no chan e dáballes a vantaxe aos visitantes, no minuto 4 (0-1). Os laranxas reaccionaron intensificando o seu ataque, aínda que de lonxe; aos poucos, foron conseguindo adiantar as súas filas. Roldando o ecuador da primeira parte, Burrito apuraba un balón na liña de fondo, e Matamoros e Hugo atopábanse cun gran Dani Cabezón. Pero aí estaba Antoñito para aproveitar un rexeitamento alto ao que chegou tarde Mata, para cravar na rede un balón ante o que o porteiro canario non puido reaccionar, o 1-1, no minuto 13. Pouco despois, Edu salvou o insalvable no bordo da liña de meta, un balón envenenado de Aitor. Na recta final de primeiro acto, Isi aínda puido sorprender sen éxito.
Tras o descanso os mariñáns seguiron apostando pola posesión do xogo, aínda que os insulares tamén intentaban sorprender a Edu, con boa resolución por parte do naronés. O Burela FS estaba pelexando e merecendo poñerse por diante, pero foi entón cando nun pase cara atrás Mimi marcou o 1-2 en contra (minuto 24). Volveu ser crucial o gardameta galego no 26 ante Aitor, tras un roubo do canario a Burrito en media pista. Os laranxas, lonxe de conformarse, dispuxeron toda o seu artillería sobre a portería rival nunha tarde na que o gol se lles resistía, e moito. Logo das tentativas de Iago Míguez, Burrito e Mata no minuto 28, Antoñito tivo unha ocasión de ouro só ante Dani Cabezón, no 31, e segundos despois Isi estrelou o esférico contra o largueiro, desde balón parado de Matamoros. Dani, moi acertado, tamén librou os visitantes no 33, cun mísil do pichichi burelista.
Con cinco faltas acumuladas, Juanlu apostou polo xogo de cinco abandeirado por Mimi, no minuto 36. Crearon perigo inmediato Mata e Hugo, ante un acertadísimo Dani Cabezón; con todo, o Burela FS Pescados Rubén non estaba disposto a pechar a 11ª xornada sen puntuar e o gol tan pelexado por fin chegou, a falta de 18 segundos, nas zapatillas de Matamoros. Sobre a bucina, o meta insular salvou unha frenética embestida dos laranxas adiantándose sobre o ataque burelense.
Ficha técnica
Burela FS Pescados Rubén: Edu, Mimi, Hugo, Matamoros e Antoñito, no cinco inicial; tamén xogaron Juanma, Iago Míguez, Isi, Burrito
Colegios Arenas Gran Canaria FS: Dani Cabezón, Glauber, Campoy, Aitor e Julio, no cinco inicial; tamén xogaron Juampe, Juanillo, Lincon
Goles: 0-1, minuto 4, Campoy; 1-1, minuto 13, Antoñito; 1-2, minuto 24, Mimi (p.p.), 2-2, minuto 40, Matamoros
Árbitros: Cid Bragado (Galicia) // Velasco Martínez (Asturias)
Tarxetas: Por Colegios Arenas, amarela a Aitor (minuto 14), Julio (minuto 21). Por Burela FS, amarela a Hugo (minuto 20), Matamoros (minuto 30), Isi (minuto 32), Iago Míguez (minuto 32).
Incidencias: Partido correspondente á undécima xornada de Primeira División LNFS (Vista Alegre), con 900 espectadores nas bancadas.
*FOTO: A Caixa Escura Producións.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
