As pupilas de Quico Otero resolveron con contundencia a súa visita á correosa pista do Móstoles. O Burela FS Pescados Rubén goleou 1-7 nunha cita baixo mínimos, na que non puido contar coa internacional Lidia Mesías, que regresou da concentración con España cunha forte contractura, e onde Lara tamén tivo problemas musculares por un mal golpeo.
O rápido gol de Maite, no minuto 3, que quedou soa ante a porteira logo dun desmarque de Peque ás costas da defensa, deulle ás á escuadra burelista nunha primeira parte equilibrada onde a posesión se repartiu en ambos os bandos. O Pescados Rubén soubo sacar vantaxe a este resultado e frear a posesión do Móstoles, que dispuxo de ocasións de lonxe desartelladas pola defensa laranxa e grande acerto de Patri. A tres minutos para o descanso, Peque anotou o 0-2 definitivo ao ecuador, en parede con Maite.
Co inicio do segundo tempo, o Burela FS puxo terra por medio, con 0-3 en nova aparición da pichichi laranxa, en parede con Claudia (minuto 22). Aínda que poucos segundos despois, Patri Chamorro reduciu as distancias con volea á escuadra ao controlar un pase elevado desde a banda, as filas galegas mantiveron o control e as ocasións ante un Móstoles con nerviosismo pola remontada.
A falta de catro minutos para o final, Claudia volveu deixar de manifesto a autoridade laranxa, culminando un pase ao segundo pau de Maite desde a banda. As mariñás ampliaron a fenda no marcador coa aposta das mostoleñas pola porteira xogadora. Maite, en 37, subiu o 1-5 nun roubo, a porta baleira. O 1-6 chegou no 38, coa firma de Bea Mateos, que aproveitou unha falta de entendemento nun pase no cambio de xogo de cinco pola entrada da porteira local. Para anotar o definitivo 1-7, rubricou o seu hat-trick Peque no último minuto en colaboración con Maite.
Ficha técnica
Móstoles FSF: Pauli, Patri Chamorro, María Otero, María García, Eva, cinco inicial; Inma, Raquel
Burela FS Pescados Rubén: Patri, Peque, Maite, Bea Mateos, Claudia, cinco inicial; tamén xogaron Lara, Cris, Jozi
Goles: 0-1, minuto 3, Maite; 0-2, minuto 17, Peque; 0-3, minuto 22, Peque; 1-3, minuto 22, Patri Chamorro; 1-4, minuto 36, Claudia; 1-5, minuto 37, Maite; 1-6,minuto 38, Bea Mateos; 1-7, minuto 39, Peque.
Árbitros: Iván del Hoyo // Diego San Juan (Madrid)
Tarxetas: Por Móstoles a Patri Chamorro e María García.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
