Cervo convoca a II Larpeirada de Ourizo de Outono ao que se poden presentar sobremesas elaboradas con castañas

Cervo, 19 de novembro de 2013-A Concellería de Cultura, que dirixe Begoña Alonso, convoca por segundo ano a Larpeirada de Ourizo de Outono, un concurso gastronómico de sobremesas a base de castañas aberto ao público en xeral. Un certame que se desenvolverá o próximo sábado pola tarde e que ademais inclúe outros actos relacionadas coas castañas.

Para participar, as persoas que o desexen deberán presentar unha sobremesa ou larpeirada que teña como elemento principal este froito do outono. Todos os demais ingredientes (sempre que o resultado sexa doce) así como o deseño, o tamaño ou calquera outro detalle quedarán á elección dos cociñeiros. Cabe destacar que só se poderá presentar un prato por persoa.

A recepción dos postres terá lugar ás 16:30 horas na sala de exposicións da Casa da Cultura. A partir dese momento un xurado degustará e valorará as sobremesas que entren no concurso, para o que terán en conta a dificultade na elaboración, a orixinalidade, a presentación ou o sabor, entre outras calidades. Os membros do xurado terán que elixir os tres mellores pratos, que recibirán unha figura conmemorativa. A entrega de premios será ás 18:00 horas no mesmo lugar onde se desenvolve o concurso.

Ademais, durante o acto farase entrega dos premios aos gañadores do II Concurso de debuxo infantil “A Castaña”, e ao remate ofrecerase un magosto popular na prazoleta.

Unhas actividades incluídas no programa Pasatempos de Outono e coas que o Concello pretende “potenciar la creatividad culinaria de los cervenses a través de un fruto típico gallego de temporada que además es muy versátil” explica a edil. Alonso convida á cidadanía a que participe e “comparta sus recetas con los demás”. O ano pasado, na primeira edición, foron cinco as sobremesas que concorreron http://ow.ly/qY2Xn , polo que o Concello agarda que nesta segunda ocasión se incremente o número de participantes.