Perto de 70 palanadores/as déronse cita no pavillón deportivo de San Miguel de Reinante o sábado 16 de novembro para disputar a 4ª xornada puntuable da Liga Nacional de Billarda da conferencia NorLeste.
A xornada “alargouse máis da conta por varios motivos, entre eles a actitude irresponsable e pouco compromiso amosado por xogadores que se apuntan ó aberto e logo non se presentan a xogar, por non falar da falta de puntualidade que algúns (os menos, todo hai que dicilo) teñen por norma xeral, obrigando así a retrásalo comezo da competición. A organización dos abertos é flexible e ten por bandeira dar as maiores facilidades a toda a xente que queira xogar, pero isto non debe tomarse como que cada quen pode facer da súa capa un saio e ir e vir ao seu antollo. Todo ten un límite e o sábado traspasouse”, manifestan dende a organización da conferencia NorLeste.
Deixando aparte negativos aspectos, no deportivo un novo éxito de participación e competividade máxima. Enfrontamentos intensos que deparan unha grande emoción ao longo da tarde. Brincos de ledicia si lle gañas a un dos “grandes” e desencanto se te ves superado, subliñadamente cando pensas que tes a situación controlada e un cativo golpe teu ou bo do contrario bota por terra os anceios de victoria.
Boa colleita de varados, un total de trece tiros directos, e outros tantos ou máis a carón do varal. O chan do pavillón axuda no percorrido da billarda sendo moitos os tiros directos, aínda que fai falla boa precisión, doutro xeito as billardas fuxen polo fondo da pista co que tes un tiro perdido e das vantaxe ao teu enemigo deportivo.
Por primeira vez no que vai de liga un equipo consegue o 100% de efectividade. Os Billardeiros Musicais non só gañaron a xornada senón que por riba fixeron os 40 puntos posibles. Catro dos seus representantes acadaron o pleno e xunto con Richar dos Tropa Lixeira, tiveron que xogar polos postos de honra. Foron os finalistas: Geni, Juan, Markytos, Suso Coedo (B.M.) e Richar (T.L.) que logo de facer as tres carreiras de rigor quedaron así: Campeón Markytos, segunda Geni e terceiro, Suso Coedo.
En mulleres Geni foi a campioa seguida de Maricarme (Troitas Bravas) e Paula (Carabullo de Toxo). Todos eles recibiron uns vistosos trofeos de mans do concelleiro de cultura escoltado por Flores en representación da LNB quen, así mesmo, fixo entrega dun xamón a Markitos, una ristra de chourizos e máis un pack de productos “El viejo Pescador” a Geni e un queixo a Suso Coedo. Bo proveito aos gañados e parabéns a tódolos participantes por este novo éxito billardeiro.
As clasificacións quedan así:
Individual: Richar 35 p., Franco 32 p., Charli, Muriego, Regueiro e Santi 31 p., Daniel, Juan e Suso Coedo 30 p.
Por equipos: Billardeiros Musicais 141 p, Carabullo de Teixo 118 p., e Troitas Bravas, 113 p.
Varados: Regueiro, 4, Santi 3, Charli, Daniel, Miguel Moran e Muriego 2 varados.
A quinta xornada celebrarase en Ribadeo o vindeiro 15 de decembro.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
