Burela, 26 de decembro de 2013. O pleno do Concello de Burela aprobou este xoves, cos votos a favor do Partido Popular, os presupostos municipais para 2014 que ascenden a un total de 6.439.338 euros, tanto en ingresos coma en gastos, o que supón un incremento do 3’2% con respecto ás cifras manexadas en 2013.
O alcalde, José María González Barcia, afirmou que “os presupostos para 2014 son realistas, porque parten dos dereitos recoñecidos durante o exercicio de 2013 e para nada se basean en hipóteses; son rigorosos, porque aplican criterios de austeridade no gasto tanto no cumprimento da regra de gasto como no de estabilidade orzamentaria; e garanten a continuidade dos servizos que ata o momento estamos mantendo, como servizos sociais ou educativos”.
Barcia dixo que o documento aprobado “permite abordar a construción da nova gardería, e permite tamén comezar a traballar nos novos vestiarios do campo de herba artificial da Marosa. No primeiro caso, as bases de execución contemplan a posibilidade de ampliar partidas orzamentarias existentes, e no caso dos vestiarios figura unha partida conxunta que nos pode permitir comezar as obras no próximo ano 2014”.
O rexedor burelés manifestou durante a sesión plenaria que “de seguir pola senda do bipartito, hoxe estaríamos abocados a unha situación económica insostible. A día de hoxe, pagamos puntualmente ós provedores; temos unha presión fiscal por habitante por debaixo da media provincial e por debaixo dos concellos da comarca semellantes ó noso en poboación, e vamos acabar 2013 con saldos contables positivos”.
González Barcia insistiu unha vez máis en que “a débeda financieira é unha lacra importante porque nos impide levar a cabo investimentos reais. Oito de cada cen euros do presupostos destínanse a amortizar débeda, moito para un concello coma o noso”. O alcalde foi especialmente duro cos socialistas, ós que culpou de meter ó Concello nunha situación económica crítica: “fixérono cando Burela pertencía a Cervo, e fixérono na primeira oportunidade de gobernar Burela como tal, xa que o setenta e cinco por cento, é dicir, tres de cada catro euros da débeda financieira que ten o Concello teñen matrícula socialista: aínda estamos pagando débeda do antigo Concello de Cervo, e estamos pagando a débeda que nos deixou o bipartito. No caso do bipartito, a débeda non se corresponde con investimentos, senón con facturas de gasto corrente. Da de Cervo, mellor non falar”.
“Os presupostos de 2014 permiten manter todos os servizos sociais que agora hai en funcionamento, axuda no fogar, programas de maiores, etc.. E tamén permiten manter os centros de ensino abertos polas tardes, o funcionamento dos comedores, e por riba, conceder subvencións ós colectivos e asociacións. Algo que sabemos que non lle gusta ó PSOE”, indicou José Mª González Barcia.
Pero o rexedor avalou os datos de 2014 cos adiantos da liquidación do presuposto de 2013: “arrancamos 2013 cun presuposto de ingresos de 6.235.500 euros, e o día vinte deste mes tiñamos o presuposto en 7.056.761 euros. Arrancamos 2013 cun presuposto de gastos de 6.235.500 euros e a día 20 deste mes tiñamos pendentes de pago soamente 45.369 euros. Esa é a nosa xestión, e ese é o noso aval: non gastar máis do que se ingresa e pagar o que se debe. E o que digo está avalado polos provedores, que, de momento, cobran con bastante puntualidade”.
González Barcia foi crítico coa oposición: “non se pode chegar a un pleno de presupostos sen telos preparados. Nin o PSOE nin o Grupo Mixto teñen alternativa, só a demagoxia e a falta de rigor: non se poden presentar enmendas o mesmo día do pleno, e ademais deberían explicar porqué o que propoñen non o fixeron eles no seu momento. O PSOE aumentou en 2010 os impostos nun 4% e se quedou tan ancho, e co PSOE o IBI aumentou tamén como aumenta agora, e nada dicían. Co PSOE aumentou o paro, e tampouco dixeron nada”.
O alcalde burelés engadiu que “o que é certo é que o goberno do PP está traballando polo emprego a través de dúas fórmulas: formación a desempregados,como o demostra que a Xunta nos teña concedido no que vai de ano case que medio millón de euros para cursos de formación e un obradoiro de emprego; e pagando puntualmente ós provedores, para así garantir a continuidade da actividade empresarial e comercial e garantir a permanencia dos postos de traballo. Pero ademais compre ter en conta que os vinte millóns e medio das antigas pesetas que se inxectan ás asociacións ó final acaban no propio tecido produtivo do noso concello, o que tamén é unha forma de loitar contra o desemprego”.
Finalmente, González Barcia indicou que “resulta sospeitoso que o PSOE pida que os grupos políticos estean nas probas de selección de persoal; resulta sospeitoso que pidan que se suprima a partida de publicidade cando se gastaron fondos públicos en books fotográficos, e resulta sospeitoso que agora o PSOE pida concorrencia competitiva para conceder subvencións cando eles as retiraron todas en 2009”.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
