Após da 38 Asemblea Xeral de ADEGA entregáronse os Premios Osíxeno 2013 no decurso do xantar de confraternidade. Desta volta, foi o presidente da APDR Antón Masa, o alcalde de Rianxo Adolfo Muíños, e o avogado de Nunca Máis Pedro Trepat os que recolleron os Osíxenos 2013 nas súas categorías de Honra, individual e colectivo, respeitivamente. O premoi consistíu nun diploma comemorativo e unha escultura do oleiro e artista carnotán Nacho Porto, elaboradas no seu alfar ao pé do Monte Pindo.
Resolucións da Asemblea
RESIDUOS: A Asemblea de ADEGA anima a todos os responsábeis municipais galegos a promover nos seus concellos, mancomunidades e deputacións sistemas alternativos para o tratamento do lixo á marxe ou complementares con SOGAMA. O debate sobre o modelo de xestión dos residuos non debe facerse só en clave económica, atendendo unicamente ao prezo do tratamento: Aconteceu que o modelo SOGAMA, baseado na incineración e o vertido, fracasou. É pois unha obriga dos responsábeis públicos apostar por modelos máis ecolóxicos, económicos e solidarios para a xestión dos residuos. Con valentía política e compromiso coa cidadanía pódense pór en marcha iniciativas para reducir dende xa a dependencia de SOGAMA.
ENCE: A Asemblea de ADEGA esixe da Xunta de Galiza un posicionamento negativo á permanencia de ENCE na ría de Pontevedra máis aló de 2018. A modificación da Lei de Costas abre a porta á permanencia de ENCE en Lourizán por outros 75 anos. A Xunta non pode mirar para outro lado e debe manifestar claramente ao Ministerio que calquera decisión que non pase pola marcha/traslado da celulosa en 2018 é inaceitábel. A Asemblea de ADEGA quere expresar tamén a súa solidariedade e firme apoio áveciñanza de Pontevedra na súa loita contra ás intencións da pasteira e os seus valedores políticos de perpetuarse como principal foco contaminante na ría, coartando as posibilidades de rexeneración e o desenvolvemento dos seus habitantes.
MINARÍA: A Asemblea de ADEGA esixe da Xunta de Galiza que publique xa a resolución do rexeitamento definitivo do proxecto mineiro de Corcoesto. Paralelamente, esiximos a retirada do Plano Sectorial de Actividades Extractivas que permitirá á patronal mineira asaltar novos territorios até agora vedados: Espazos naturais, paisaxes protexidas, xacementos históricos… Calquera modificación ou desenvolvemento do actual marco normativo (Lei da Minaría) debería establecer un veto á megaminaría contaminante, ao uso do cianuro, e antepoñer o ambiente, os usos produtivos compatíbeis e a saúde das persoas ao beneficio das mineiras.
A Asemblea de ADEGA tamén quixo facer un exorto a respeito da perda das institucións financeiras galegas, expresando a súa solidariedade cos estafados/as polas preferentes e os emigrantes saqueados polas multas de Facenda, e instándo á cidadanía galega a apostar pola banca ética e opcións financeiras como as que representa Fiare.
Foto: Ramsés Pérez
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
