O sábado 1 de febreiro, organizadas pola Delegación de Cultura do Concello, iniciáronse en Alfoz as Primeiras Olimpíadas Interparroquiais, celebrándose a Proba Cultural.
O público encheu o Salón de Actos da Casa da Cultura de Alfoz que contou con Antonio Jesús Lorenzo “Cachín” e Leni Níñez coma mestres de cerimonias. Un Xurado formado por profesores do Instituto Alfoz-Valadouro (Gonzalo Alonso, Pilar Díaz e Paz Quiroga) foi o encargado de dilucidar as dúbidas e decidir sobre a validez das respostas.
Oito equipos, representativos das 9 parroquias do concello -xa que O Pereiro e Oiras competiron no mesmo equipo- participaron con tres xogadores cada un. Os concursantes levaron a cabo tres probas culturais: dúas preguntas nun formato semellante ó do famoso concurso televisivo “Un dous tres”; seis preguntas de diversas materias culturais ó estilo do famoso xogo “Trivial” e dúas sesións de 10 palabras cada unha do xogo “Scrabble”.
A parroquia de Lagoa resultou ser, finalmente, a vencedora desta proba cultural, dominando en dúas das probas (o “Un dous tres” e o “Scrabble”). A clasificación desta primeira xornada das Olimpíadas, na Proba Cultural, foi a seguinte:
1. Lagoa. 195 puntos.
2. Bacoi. 171 puntos.
3. Reirado. 167 puntos.
4. Adelán. 163 puntos.
5. Mor. 156 puntos.
6. O Castro. 152 puntos.
7. Carballido. 128 puntos.
8. Oiras-Pereiro. 77 puntos.
As Olimpíadas continuarán o vindeiro sábado, día 8, no pavillón municipal, coa proba de fútbol sala.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
