CERVO .- A mocidade cervense está a piques de sucumbir aos atractivos dunha oferta de ocio alternativo e deporte nunca antes desenvolvida no noso termo municipal. O Concello de Cervo porá en marcha o programa NOITES ALTERNATIVAS que se desenvolverá a partires da segunda semana de xullo –coincidindo coas festas patronais- e que ofrece un amplo abano de actividades entre as que está o Fútbol Sala 3×3, Baloncesto 3×3, Voleipraia, Fútbolpraia, moitos xogos e concursos
O Alcalde, Alfonso Villares, presentou en rolda de prensa as NOITES ALTERNATIVAS acompañado da concelleira de Deportes e Saúde, Yolanda Pedreira e dos coordinadores das actividades. “Non se trata única e exclusivamente da apertura de locais e instalacións fóra do horario habitual, polas noites, senón dun completo programa de actividades variadas, relacionadas co deporte, como proposta alternativa ao tradicional botellón e a través da que se pretender reducir prácticas perniciosas como o alto índice de consumo de alcol nas madrugadas estivais”
A PARTIR DE DEZ ANOS, OS MARTES, MÉRCORES E XOVES
O contido exacto do programa, que pode consultarse tanto na páxina web municipal como nos folletos que hai a disposición dos interesados nas dependencias municipais e, nomeadamente na Casa da Cultura de San Cibrao, establecen que nas distintas actividades poden participar rapaces con idades superiores aos 10 anos e sen idade límite, pois a organización prevé distintos enfrontamentos segundo a categoría dos inscritos.
As NOITES ALTERNATIVAS desenvolveranse nun horario de 22.00 a 01.30 horas os martes, mércores e xoves. As localidades de Cervo e San Cibrao serán as sedes dos partidos de Fútbol sala e Baloncesto e, no caso das actividades deportivas na praia desenvolveranse no areal de O Torno, en San Ciprián. Todas estas actividades son gratuítas polo que non terán que asumir ningún custe os participantes. Ademais o mecanismo de inscrición é moi flexible pois, pode facerse tanto na Casa da Cultura (982 59 51 57) como ao comezo de cada actividade no lugar onde se desenvolva.
A primeira das citas do calendario son os partidos de Fútbol praia, sub 12/15/17, senior os días 13, 14 e 15 de xullo (única data que da inicio o luns para non coincidir co día 16, Festa do Carme). Tamén haberá Volei Praia Sub 12/15/17, Senior, os días 21, 22 e 23 de xullo. Despois en San Cibrao os días 28, 29 e 30 de xullo será a quenda do Fútbol Sala Senior, e de seguido o do Baloncesto 3×3 Sub 12/15/17 que terá lugar os días 4,5 e 6 de agosto. O fútbol Sala 3×3 Sub 12/15/17 será o 11, 12 e 13 de agosto en Cervo e o baloncesto na capital municipal desenvolverase o 18, 19 e 20 de agosto.
MONITORES ESPECIALIZADOS
De lograr o interese da mocidade e este obxectivo, encargarase unha empresa especializada IG 10 SPORTS S.L., actual concesionaria das Escolas Deportivas Municipais que garanten a asistencia de monitores altamente cualificados para organizar e controlar o desenvolvemento das actividades. “As nais e pais dos participantes teñen a garantía de que os seus rapaces están en boas mans, practicando deporte nas noites de verán, e adquirindo polo tanto hábitos moi saudables”
Os plans do Concello pasan por ampliar as actividades a ofertar, dependendo da resposta que obteñan deste sector da poboación e do éxito de cada unha das actividades en particular, así como das esperadas suxestións de novas iniciativas segundo as demandas dos propios mozos. Todo iso, unha vez superada a experiencia piloto que comeza nesta época de vacacións escolares do verán
TORNEOS DE VERÁN
A concellaría de Deportes tamén prepara o tradicional Torneo de Fútbol 7 que, neste caso cambia de emprazamento ao trasladarse ata o Campo Municipal de A Veiga. Será os días 10, 11 e 12 de xullo. As instalacións deportivas de Rio Cobo albergarán un torneo de Tenis os días 28, 29, 30, 31 de xullo e 1 de agosto.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
