Lugo, 12 de febreiro de 2014.- O Grupo Provincial do Partido Popular presentou ante o Valedor do Pobo unha queixa tras que a Deputación de Lugo decidise encriptar as facturas, eliminando o concepto en virtude do cal se realizan as liquidacións.
Os populares explican que a Deputación de Lugo viña publicando periodicamente Decretos de Presidencia nos que se recoñecía e se ordenaba o pago de distintas facturas relacionadas coa actividade provincial. Ata o de agora, estes decretos incluían varios conceptos, tales como nome, data, número de factura e importe, ademais do concepto polo que se autorizaba a correspondente liquidación.
Tras que algúns destes conceptos desen lugar a importantes polémicas, como consecuencia do destino final dos fondos que figuraban nos distintos conceptos, como foi o caso da confirmación dun pago, con diñeiro público, para comidas á sindicalistas da UXT; a Deputación de Lugo cambiou o modelo de Decretos, con ausencia do concepto polo que se realiza o pago.
Cortapisas inxustificadas
Os populares denuncian que este cambio ten por obxecto reducir a transparencia dos datos ofrecidos, dificultar as funcións de control e fiscalización e deturpar unha información que se ofrecía ata o de agora en coherencia das normas de bo goberno.
Así, a Deputación pretende evitar que o GPP poida supervisar toda a documentación e que así dean a coñecer posibles novos casos como o relativo á UXT.
Dende o Grupo Provincial do Partido Popular explican que cando un cargo representativo exerce as súas funcións non debe atopar cortapisas inxustificadas, pois doutro xeito vulnérase o seu dereito ao exercicio de representación política.
Intervención do Valedor do Pobo
Os populares explican que este comportamento se engade a outros obstáculos que de xeito crecente están a impoñer dende o Equipo de Goberno da Deputación de Lugo, como é o caso da limitación ao dereito de acceso á información no tocante aos expedientes aprobados nas Xuntas de Goberno.
Dende o GPP explican que esta dificultade para acceso ás informacións das Xuntas de Goberno se deu dende que os populares deran a coñecer o proceso de saída do C.B. Breogán.
Deste xeito, o GPP mediante un escrito solicitou a intervención do Valedor do Pobo a fin de que os dereitos constitucionais sexan respectados e, en particular, recomendando á Deputación de Lugo que facilite aos membros da Corporación a información que, precisa o GPP en exercicio da función representativa para o correcto desempeño do cargo e das funcións encomendadas e, en particular, a de fiscalización e control da acción de goberno.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
