Burela, 13 de febreiro de 2014. O alcalde, José Mª González Barcia, e a delegada territorial da Xunta, Raquel Arias, visitaron este xoves as vivendas que están a ser rehabilitadas polo obradoiro de emprego Sendas de Burela, Cervo e Xove co obxectivo de destinar unha delas a casos de emerxencia social e a outra para locais de asociacións.
O rexedor contou que “a delegada da Xunta, Raquel Arias, visitou hoxe as obras que estamos a realizar nas vivendas dos mestres do CEIP Virxe do Carme. Estámolas a preparar a través do obradoiro conxunto Sendas de Burela, Cervo e Xove. Unha delas será destinada a vivenda de emerxencia social e será usada naqueles casos onde sexa preciso, tendo en conta os informes que poidan emitir os servizos sociais do Concello de Burela e os da Xunta de Galicia. A outra vivenda se está a acondicionar coma local para asociacións de calquera ámbito existentes aquí no Concello”.
González Barcia lembrou que “como é sabido temos o que era a antiga praza de abastos acondicionada para locais de asociacións, pero aqueles locais son poucos porque hai moitos colectivos en Burela que carecen de instalacións propias para poder reunirse ou gardar os seus materiais. É un paso importante para poder facilitarlles aos colectivos de Burela o seu traballo. Paso que ademais hai que vincular coa recuperación das axudas económicas que se están a facer para conceder subvencións aos colectivos culturais, aos colectivos de calquera ámbito existentes en Burela”.
O alcalde burelés indicou que “o investimento total que se fai neste obradoiro Sendas de Burela, Cervo e Xove é de aproximadamente 200.000 euros. Destacar a importancia social da actuación que estamos a levar a cabo no noso concello. Non é fácil que un Concello poida contar cunha vivenda para emerxencia social, non é fácil nin tampouco hai moitos Concellos que conten con locais para asociacións e colectivos de calquera ámbito. Tamén hai que recoñecer o ámbito de implicación dos tres Concellos non só pola proximidade xeográfica, porque somos veciños, senón porque entendemos que as canles e o ámbito de traballo municipal require a colaboración entre Concellos e iso se demostra andando”.
José Mª González Barcia sinalou que “este obradoiro é o primeiro que solicitamos de forma conxunta os tres concellos e que se está levando á práctica, pero tamén os tres Concellos solicitamos unha subvención ao INEGA, á Xunta de Galicia, para a renovación de lámpadas, de luminarias no alumeado público, que deu o seu resultado cun aforro importante para o noso Concello e nos permite entrar na dinámica de traballar en conxunto. Tamén é certo que en Cervo e Burela xa temos experiencia en traballo conxunto, porque non hai que esquecer que no Consorcio de Abastecemento de Auga aos dous concellos estamos tanto Cervo como Burela xunto coa Xunta e xa temos un certo hábito do traballo neste sentido”.
O rexedor de Burela aposta “seguir neste ámbito de colaboración que nos parece importante e a nosa intención é que nos vindeiros anos o Concello de Burela siga recuperando na medida das súas posibilidades esas vivendas do CEIP Virxe do Carme, que agora están sen utilizar e o ámbito de actuación será o que estamos levando agora a cabo tanto no que se refire á consecución de financiamento por parte da Xunta de Galicia como á finalidade á que se destinen esas vivendas cando chegado o momento se poidan recuperar”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
