LUGO, 14 DE FEBREIRO.- O Partido Socialista, ante a información publicada por distintos medios de comunicación nos últimos dous días, e na que se asegura que o Porto de Ferrol pagou 22.000 euros a conselleiros sen asistir ás reunións do consello, entre os que se atopa a Delegada Territorial da Xunta, Raquel Arias, esixen que a representante do Partido Popular dé explicacións públicas sobre a súa participación na actividade da autoridade portuaria, pois “estamos a falar de cartos públicos, de cartos que pagamos todos os galegos e todos os lucenses”, afirma o secretario de Organización.
Deste xeito, Carlos Ferreiro, logo de que a Delegada Territorial aínda non se pronunciase ao respecto, pide “máis transparencia e rigor” neste asunto, tal e como fixo o compañeiro de Partido, Diego Calvo, quen compareceu ante os medios de comunicación tan só un día despois “por responsabilidade e sentido ético”, recoñecendo, ademais, que, efectivamente cobrou máis de 4.500 euros neste concepto, pero que os devolveu posteriormente.
O silencio da Delegada
“Sinceramente, subliña, agardabamos que a Sra. Raquel Arias concretase como e cal foi a súa participación neste padroado, pero lamentablemente segue calada”. Por este motivo, os socialistas piden que a Delegada Territorial aclare a cantas reunións asistiu dos 28 consellos celebrados dende xaneiro de 2012 a xullo de 2013 e se cobrou polas non asistencias, tal e como se fixo público esta mesma semana.
Os socialistas consideran necesario que os populares concreten cada un destes asuntos, amparándose no Recurso de Apelación nº 11/99 (Procedemento de xuízo de contas nº 9/96) do Tribunal de Contas. Concretamente, o documento di o seguinte: “(…) está claro que el que no asiste a las reuniones, ni sufre costes indemnizables ni ha de posponer o cancelar actividades alternativas, polo que la indemnización es improcedente al carecer de causa (…)”.
E é que, malia que hai unha normativa común que rixe para todas as radas de competencia estatal como a de Ferrol, dende a última reforma legal (2/2011) cada Autoridade Portuaria ten a liberdade para fixar a contía das retribucións que dan aos seus conselleiro. Non obstante, estas retribucións axústanse aos criterios establecidos por Facenda.
A 3ª parte do orzamento acabou no petos dos que non asistían
As contas de 2012, publicadas o pasado ano por primeira vez na web do porto, especifican que a partida destinada a retribuír ao consello foi de 75.934 euros en total. A auditoría de Facenda subraia que 22.166,52 euros do orzamento foron para pagar dietas por asistencia sen concurrencia efectiva. É dicir, que case unha terceira parte do montante “acabou nos petos dos conselleiros que non asistían”, tal e como se desprende do informe da Intervención Xeral da Administración do Estado, que se ocupa de auditar as contas dos entes públicos.
Así mesmo, segundo especifica o documento, as arcas públicas tamén se fixeron cargo de tres multas de tráfico e alerta de que os gastos por acudir a feiras se dispararon un 157% en 2012 con respecto ó exercicio anterior.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
