Un total de 22 alumnos franceses acompañados por tres dos seus profesores do ‘Collège Jean Monnet’ da localidade bretona de Janzé están de visita en Burela como parte dun intercambio lingüístico e medioambiental no marco dun proxecto europeo Comenius entre os centros de enseñanza IES Perdouro de Burela e o collège Jean Monnet de Janzé. Os rapaces permanecerán dez días na vila, acollidos nas familias. Este é o noveno ano consecutivo que os dous centros organizan os intercambios, cos que pretenden mellorar a competencia lingüística dos alumnos.
O proxecto Comenius “Mon écoville: la ville au futur” entre os dous centros pretende conscienciar aos rapaces na importancia do desenvolvemnto sostible e do coidado do noso medioambiente, sendo cidadáns vertes e responsables. Levan xa un ano traballando a temática en clase e realizando actividades conxuntas ou individuais ao respecto tanto en Galicia como en Bretaña.
Este intercambio está promovido polo departamento de Francés do ‘Perdouro’, con Karina Parga á fronte, que deseñou un completo programa de actividades culturais para o disfrute dos alumnos na súa estancia en Galicia.
Así pois a comitiva foi recibida polo director do instituto local, Santiago Pérez Docobo, na mañá do mércores. Os rapaces estiveron vendo Burela, o porto, e as vistas desde o Monte Castelo. Ademais coñeceron a fábrica de Sargadelos e o proceso de fabricación da cerámica e visitaron o Museo do Mar de San Cibrao.
Este venrs viaxarán, en compañía dos alumnos do instituto local, á Santiago, onde realizarán obradoiros sobre consumo responsable, linguaxe publicitaria e comercio xusto no Instituo Galego de Consumo co fin de ser un consumidor “verde” e un cidadán comprometido co medioambiente.Tamén visitirán as cubertas da catedral.
O próximo luns realizarán unha excursión á Coruña, cidade na que se acercarán ata a Casa do Home e a Torre de Hércules. Farán unha visita guiada polas instalacións da Sociedade Galega do Medioambiente, Sogama, co propósito de conscienciar o grupo de alumnos na importancia da separación e posterior reciclaxe do lixo e refugallos afin de reducir o noso impacto medioambiental.
E para clausurar a semana, como parte dun programa de actividades medioambientais, os alumnos participarán en obradoiros medioambientais de fabricación de xabón e fabricación de papel coa axuda das monitoras de GAIA do Concello de Burela e un xogo de pista didáctico polas instalacións do Instituto anfitrión e polas rúas de Burela.
A coordinadora do proxecto Comenius, Karina Parga (IES Perdouro) destaca “o enriquecimento lingüístico e cultural que supón para os alumnos participar en actividades coma esta”. O próximo mes de abril celebrarase a segunda parte do intercambio coa visita dos bureleses a Janzé.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
