“A charla sobre Prevención e mellora da seguridade dos nosos maiores en Burela resultou moi participativa”

Burela, 21 de febreiro de 2014. O salón de plenos acolleu onte pola tarde unha charla sobre Prevención e mellora da seguridade dos nosos maiores. A conferencia, foi organizada pola Concellería de Servizos Sociais, e enmarcouse dentro do Plan maior de seguridade do Ministerio de Interior, a través da Dirección Xeneral da Garda Civil.

Segundo relatou Diana Durán “foron dous profesionais da garda civil os encargados de impartir esta charla, dirixida principalmente ás persoas maiores. Na mesma abordáronse temas como timos, furtos, roubos, maltrato a persoas maiores, así como diferentes situacións de perigo ás que o colectivo destas persoas son máis vulnerables”.

A concelleira de Servizos Sociais subliñou que “foi unha charla moi participativa na que os asistentes se animaron a preguntar e a contar aquelas situacións da vida cotiá que máis o inquietan: acudir ao mercado, ir cobrar a pensión ao banco, andar solos pola rúa ou a presenza de supostos inspectores do gas. Os gardas civís déronlles diversas pautas a seguir para evitar algún que outro susto”.