CERVO, 27 DE FEBREIRO. As últimas declaracións do Alcalde de Cervo, Alfonso Villares, sobre as obras de saneamento da Senra non fixeron máis que aumentar a preocupación e as dúbidas do PSdeG cervense sobre a maneira de actuar do rexedor do PP, sobre a súa irresponsabilidade e ineptitude á fronte do Concello. Por iso, o Grupo Municipal Socialista presentou na mañá deste xoves unha batería de preguntas no Rexistro das oficinas municipais co fin de que Villares aclare “dunha vez por todas, con documentos acreditativos”, a súa actuación e deixe de contradicirse.
Os socialistas esíxenlle ó Alcalde que explique que xestións fixo, e cando, para cobrar os 20.000 euros á empresa adxudicataria, unha vez que, segundo dixo ós medios de comunicación, non puido librar o cheque que lle entregou. “En que data e por que medio tivo coñecemento da “desaparición” da empresa? Fíxolle algún requirimento tras saber que o cheque non tiña fondos? Onde o rexistrou? Iniciou algún procedemento xudicial? Se a empresa entrou en concurso de acredores, personouse o Concello como acredor?” Ou o que é o mesmo, “onde están os cartos? Que fixo o Alcalde para recuperalos?”
É imprescindible que Alfonso Villares conteste con documentos acretidativos a todas estas cuestións para saber “se de verdade asumiu as súas responsabilidades e defendeu os intereses dos cervenses ou se, como fai sempre, botou balóns fóra e cargou a outros cos seus problemas e obrigas”, subliñou a voceira municipal socialista, Lara Méndez.
As dúbidas do PSdeG aumentan despois de que o Alcalde tratase de “desvirtuar a realidade e seguir confundindo e terxiversando” ó amosar un escrito da empresa fechado o 28 de setembro de 2011, no que o eximía de responsabilidades na colocación dos postes da luz na Senra. Os socialistas eran coñecedores deste documento “porque está no expediente, pero o Alcalde debería dicir toda a verdade:
– Primeiro: O escrito entra no Concello cando o proceso sancionador xa está concluído.
– E segundo: Dito documento é un fax que non se rexistrou, polo que nos preguntamos que validez oficial ten e se a práctica habitual do Concello é non rexistrar os documentos. Cantos hai sen rexistrar?” Este feito revela ademais “a opacidade” do Goberno municipal, pois a oposición pode acceder ó Rexistro, pero non ós fax, argumentou Méndez.
Outro dato que xenera desconfianza: Se o día 26 de setembro de 2012 houbo unha reunión coa empresa na que esta lle entregou un cheque, e se o Concello tratou de cobralo e lle veu devolto ese mesmo día, acudiu de inmediato a reclamarlle os cartos? Porque, se tivo unha reunión cos seus representantes ese día, aínda non estaría desaparecida?”.
As responsabilidades do Alcalde
Neste mesmo senso, o PSdeG subliñou que, a pesar dos intentos de Villares para “escorrer o vulto”, el e o Concello son os responsables das obras da Senra, e son os que teñen que responder ante a Deputación se hai algunha irregularidade nas mesmas. Hai dous documentos que así o acreditan:
– Primeiro: Un documento fechado o 9 de novembro de 2009, a través do que o Concello de Cervo lle solicita á Deputación os permisos necesarios para levar a cabo as obras. Nesta petición, “que non é un fax, senón unha solicitude oficial rexistrada”, o Alcalde, literalmente, di que “este Concello vai levar a cabo a execución do saneamento do núcleo da Senra”. Polo tanto, queda demostrado documentalmente que o rexedor “minte cando di que o Concello non ten nada que ver con estas actuacións”.
– E segundo: Un escrito da Xunta con data do 28 de febreiro de 2011 demostra que o Alcalde era coñecedor das irregularidades porque, textualmente, nel afírmase que “entre os meses de outubro, novembro e decembro de 2010 detectáronse e comunicáronse numerosas incidencias relacionadas coa execución da obra […] celebráronse diversas reunións na obra e nas oficinas do Concello para aclarar as incidencias constatadas. Ademais, o alcalde de Cervo destacou a mala execución do tendido eléctrico situado na marxe da estrada da Deputación de Lugo”. Polo tanto, o alcalde era coñecedor das irregularidades e sabía que había que corrixilas.
Por todos estes feitos, resulta “incomprensible a belixerancia e obsesión” de Alfonso Villares hacia as administracións dirixidas por quenes non son da súa cor política, algo que “non fai ningún outro alcalde da provincia. É un caso único”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
