A MARIÑA, 27 DE FEBREIRO.- O deputado autonómico e voceiro de Pesca no Parlamento de Galicia –José Ramón Val Alonso- vén de rexistrar na Cámara galega varias iniciativas, a través das que os socialistas instarán á Xunta de Galicia a promover, con carácter urxente, accións que garantan a seguridade dos veciños e dos traballadores da mina de caolín, situada entre os municipios de Cervo e Burela e, do mesmo xeito, compatibilizar o desenvolvemento da actividade empresarial, garantindo os empregos existentes.
Recentemente, a Xefatura Territorial da Consellería de Economía e Industria decidiu suspender a actividade da mina, debido á aparición dunha fenda que, segundo este organismo, pode ameazar a estabilidade do terreo, e mesmo comprometer a seguridade das persoas. Proba delo, é que existe un informe elaborado polo departamento autonómico, no que se recoñece a existencia dun deslizamento do terreo que, nalgúns puntos, pode chegar aos 8-10 metros de profundidade, 250 metros de longo e uns 10-15 de ancho.
Tendo en conta o documento realizado polos técnicos da administración galega, indica Val, “é obriga da Xunta, dar unha solución que permita atallar o problema para que a empresa poida reanudar as obras, e para evitar que se produza un mal maior. Agardamos que o Partido Popular apoie a Proposición non de Lei que presentamos e nos diga que actuacións ten previstas neste eido”.
Neste senso, os socialistas cren convinte que o Executivo avalíe, coordine e faga un seguemento das actuacións a levar a cabo, e lle pida á empresa o depósito do aval pola cantidade precisa para executar as cláusulas do contrato e polas tarefas a realizar.
“Balseiro coñecía o problema, pero non fixo nada”
A Comunidade de Montes de Vilaestrofe detectou, xa en 2012, a existencia da fenda do terreo, pero a Xunta de Galicia, malia que o Tenente Alcalde de Cervo e deputado autonómico –José Manuel Balseiro- estivo presente no encontro no que esta entidade lle trasladou a preocupación dos veciños, aínda non actuou ao respecto.
“O Sr. Balseiro é coñecedor do problema dende hai tempo, pero permaneceu impasible. Cremos que se trata dun asunto coa suficiente importancia como para que este deputado emprendese accións inmediatas, pois é o Tenente Alcalde de Cervo. Unha vez máis, ó igual que demostrou onte no Parlamento coa xestión dos temporais, é un irresponsable. Que a empresa volva reanudar a súa actividade é competencia da Xunta, xa que foi esta administración a ordenou a súa paralización. Queremos saber por que non dixo nada ata hai uns días, cando sabe de primeira man que o perigo existe dende hai meses. Isto é o que nos ten que explicar. Trátase de ser útiles aos cidadáns, non de buscar oportunismo político”, afirma Val Alonso.
Na mina desempeñan o seu traballo preto de 30 profesionais que, por esta irregularidade, “ven perigar a súa forma de gañar a vida”. O emprego e a seguridade das persoas, sinala o deputado autonómico, “debe ser unha preocupación dun Goberno preocupado polos seus cidadáns”. Por este motivo, agarda que o Executivo dé unha resposta rápida e eficaz, pois “non podemos permitir que aconteza o mesmo que con Sargadelos. É dicir, que outra empresa máis teña que pechar na Mariña pola inacción do Goberno de Feijóo. A Xunta ten que desenvolver acción que permitan que a firma poida reiniciar os traballos con normalidade”. E é que a canteira de caolín mariñana é unha das principais fontes de extracción deste mineral a nivel galego.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
