Santiago de Compostela, 18 de marzo de 2014.- A Xunta de Galiza decidiu prescindir dos 476 profesores e profesoras que impartían os cursos Celga após as Inspeccións de Traballo da Coruña e de Ourense recoñeceren que deberían ter os dereitos laborais (por exemplo, algo tan básico como estaren dados de alta na Seguridade Social) que o Goberno galego lles negaba. Estas Inspeccións tamén impuxeron sancións polos mesmos motivos á Administración autonómica.
O presidente da Mesa, Carlos Callón, considera que “se debe saber que Feijóo decidiu despedir estes 476 profesores e profesoras de galego porque reclamaron os seus dereitos laborais” e que se trata dun “xeito de proceder mesquiño, que resume toda unha concepción do mundo”.
O tamén membro da dirección da Mesa, Marcos Maceira, apuntou que “os principios do secretario xeral de Política Lingüística, Valentín García, están á vista: pasou de pedir a profesionalización do profesorado de galego para adultos a aniquilalos e rirse na súa cara”.
Ademais, desde A Mesa denuncian que o PP pretende sementar a división entre o profesorado de galego en diferentes niveis ao ofrecer a impartición dos cursos Celga aos docentes de secundaria, como traballo extraordinario. “Alberto Núñez Feijóo e o seu lamentabilísimo secretario xeral de Política Lingüística non fan máis que pór paus nas rodas no proceso de revitalización social do idioma galego”, critica o portavoz da maior asociación cultural galega, quen tamén felicita todos os departamentos de Galego dos institutos que están a se negar a colaborar con esta decisión da Xunta.
Callón sinala tamén que, “para alén da crueldade social e laboral que está á vista de todas e todos”, a nova medida da Xunta demostra “que non existe en absoluto un proxecto merecente de tal nome para a formación en lingua galega a través dos Celga”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
