Andrés Tojal e Jesús Carreira recibirán o vindeiro venres os premios Ribadense e Socio do Ano de ACISA

Ribadeo, 18 de marzo de 2014. Os empresarios Andrés Tojal e Jesús Carreira recibirán o vindeiro venres os premios ribadense e socio do ano de ACISA, respectivamente. Os galardóns entregaranse no transcurso da III Cea da Asociación de Comerciantes, Industriais, Servizos e Autónomos de Ribadeo.

A cita é unha data moi especial xa que se festexará o 25 aniversario da fundación da asociación. A partir das nove da noite, no Parador de Turismo de Ribadeo, terá lugar o acto conmemorativo de dito aniversario ó que asistirán, entre outros, a directora xeral de Comercio da Xunta, Sol Vázquez; a delegada territorial da Xunta en Lugo, Raquel Arias; o vicepresidente primeiro da Deputación de Lugo, Antonio Veiga; a vicepresidenta segunda da institución provincial, Lara Méndez; o presidente da Mancomunidade de Municipios de A Mariña, Alfonso Fuente; o alcalde de Ribadeo, Fernando Suárez; e representantes das Acias de toda a comarca.

Trala cea entregaranse os premios ó ribadense e ó socio do ano. Andrés Tojal recibirá o galardón como ribadense do ano e Jesús Carreira ó socio do ano. Dende a directiva aseguran que “cuando propusimos estos nombres, junto a otros que los socios han votado a lo largo de las últimas semanas, pensamos en la larga trayectoria empresarial y profesional que ambos empresarios han tenido y en lo que ambos supusieron también para ACISA en la puesta en marcha de la asociación y en sus primeros años de vida”.

No evento tamén recibirán os seus premios os establecementos gañadores do concurso de escaparates que convocou ACISA o pasado Nadal. Son: El Rincón del Gordo, Bora Bora, Glass, Guidán Delicatesen e Bodegas Ribeirao.