Santiago, 19 de marzo de 2014.- O voceiro do Mar do Grupo Parlamentario Popular, Jose Manuel Balseiro, defendeu este mércores as decisións que xa se teñen adoptado desde as administracións autonómica e estatal en apoio dos homes e mulleres da pesca e do marisqueo que viron a súa actividade profesional alterada como consecuencia da sucesión de temporais acontecidos nos últimos meses.
Atendendo á vixencia destes apoios, os populares rexeitaron esta mañá no Parlamento unha iniciativa de AGE ao considerar que nela demandaban axudas que xa existen e, polo tanto, que se trata dunha petición superada polo tempo
REXENERACIÓN DE BANCOS MARISQUEIROS
A modo de exemplo, Balseiro lembrou que só no ámbito da rexeneración e mellora da produtividade dos bancos marisqueiros destinarase este ano un orzamento de 2.655.000 euros. Axudas ás que, explicou, poden acceder todos os bancos danados polas riadas e polos efectos dos temporais, sen exclusión.
O portavoz popular do Mar sinalou que estas subvencións poden destinarse á contratación de profesionais ou entidades prestadoras de servizos: tanto de avaliación como de execución dos traballos de rexeneración, á adquisición de material para desenvolver as accións propostas, á adquisición de semente de moluscos ou para colaborar na redacción do proxecto técnico a executar.
Balseiro puxo en valor a decisión do Goberno galego que, ante a persistencia dos temporais e a necesidade de novas avaliacións de danos, decidiu ampliar o prazo de solicitude de axudas en medio mes máis. “Feito que tivo boa acollida no sector pois, segundo parece, hai máis de medio cento de solicitudes”, indicou.
BENEFICIOS FISCAIS
Balseiro tamén lembrou que, de xeito complementario, o Consello de Ministros aprobou un Real Decreto-Lei con medidas extraordinarias que inclúe exencións de cotas á Seguridade Social e unha batería de beneficios fiscais e axudas directas aos profesionais afectados polos temporais
“Falamos de axudas directas aos titulares de establecementos industriais, pesqueiros e marisqueiros, dunha moratoria de ata un ano sen intereses no pago das cotizacións á Seguridade Social e outros beneficios impositivos a solicitar por empresas e traballadores por conta propia que sufran danos ou perdas de actividade derivadas do temporal, como é o caso de pescadores e mariscadoras”, explicou.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
