SANTIAGO. A Comisión Executiva da Fegamp aprobou, na súa reunión deste mércores 19 de marzo, o informe favorable sobre o Anteproxecto de Lei de Medidas Urxentes derivadas da entrada en vigor da lei 27/2013, de racionalización e sustentabilidade na administración local. Este texto foi presentado á Xunta de Voceiros da Fegamp o pasado 5 de marzo polo vicepresidente da Xunta, Alfonso Rueda, e neste tempo a Federación incorporou algunhas modificacións para dar resposta directa aos problemas que están a atopar os concellos para aplicar a reforma local.
Entre as principais achegas da Fegamp destacan a homoxeneización de criterios á hora da delegación de competencias por parte da Xunta, a flexibilización para determinar que se consideran como “novas competencias” e a incorporación dun trámite de urxencia para a emisión de informes de sustentabilidade desde a administración autonómica.
A xuízo de José Manuel Rey, alcalde de Ferrol e presidente da Fegamp, “esta é unha norma que vai dar amparo inmediato a moitos alcaldes que están a atopar dificultades para seguir prestando servizos públicos que xa estaban consolidados nos seus ámbitos municipais”, e que por tanto “garante que os cidadáns seguirán percibindo eses servizos”.
No seu informe, a Fegamp destaca a importancia de que os concellos poidan manter as competencias que viñan asumindo con anterioridade á entrada en vigor da reforma local. Así, as esixencias de sustentabilidade financeira que impón a Lei 27/2013 aplicaranse para aquelas competencias de nova asunción.
Este ditame, que foi aprobado cos votos dos alcaldes do Partido Popular, recibiu non entanto o recoñecemento do resto de grupos por tentar emendar a situación de desconcerto en que os concellos se viron sumidos pola entrada en vigor da reforma.
Rey Varela apuntou que este anteproxecto “ten unha inmediatez na súa aplicación e na resolución de problemas que non ten un recurso de inconstitucionalidade”, e lembrou unha vez máis o posicionamento unánime do municipalismo galego fronte a unha reforma “que non responde as singularidades dos concellos de Galicia”.
O informe da Fegamp foi remitido no día de hoxe á Dirección Xeral de Administración Local para que a Xunta continúe coa súa tramitación e poida aprobarse coa maior celeridade. “Somos conscientes de que a maioría dos concellos están á espera desta lei para blindar os seus servizos”, apostilou Rey Varela.
Nova sección
A Comisión Executiva acordou por unanimidade aceptar a creación da nova sección de “concellos con intereses turísticos”, froito da reunión que o pasado 12 de marzo mantiveron na Fegamp medio centenar de municipios.
Esta sección, con autonomía para a súa organización e desenvolvemento, subdividirase en tres grupos de traballo, que englobará a concellos declarados de interese turísticos, concellos con festas de interese turístico e concellos con distintivos de calidade. Dous representantes de cada grupo formarán o comité de dirección da sección, que ademais terá un presidente.
Inicialmente, forman parte desta sección os concellos de Arzúa, Betanzos, A Coruña, Fisterra, A Laracha, Melide, Miño, Mugardos, Muros, Padrón, O Pino, Sada, Santiago de Compostela, Teo, Touro, Barreiros, Cervo, Guitiriz, Lourenzá, Mondoñedo, Quiroga, Viveiro, Celanova, Leiro, Manzaneda, Oímbra, Riós, San Cristovo de Cea, Baiona, Cambados, Cuntis, O Grove, Lalín, Mondariz-Balneario, Sanxenxo, Tui, Vigo, Vila de Cruces, Vilagarcía de Arousa e o Patronato Rías Baixas da Deputación de Pontevedra.
Nembargantes, todos os concellos interesados en formar parte da sección e que cumpran cos requisitos fixados nos grupos de traballo poderán incorporarse cando así o consideren.
Plan de Pago a Provedores
Por último, a Executiva da Fegamp tamén apoiou por unanimidade unha moción presentada polo grupo socialista, no que se insta ao Goberno a rebaixar as esixencias aos concellos que acudiron ao primeiro Plan de Pago a Provedores, en marzo de 2012. Esta moción está en sintonía cun acordo adoptado pola FEMP en xaneiro deste ano.
Cando o Plan de Pago se puxo en marcha, tratábase de préstamos a longo prazo, dez anos de devolución e dous máis de carencia, para o pago e cancelación de débedas contraídas con provedores. Os tipos de interese eran do 5,9%. No seu conxunto, os concellos galegos financiaron 211,79 millóns de euros a través deste mecanismo.
Dado que o contexto económico nacional e municipal variou sensiblemente desde marzo de 2012, a Fegamp reclama ao Ministerio de Facenda que se amplíen os períodos de carencia e de amortización, e que se reduzan os tipos de interese.
Igualmente, pídese a Facenda que conceda dous anos de carencia con retención cero para aqueles concellos que, ao non aprobar os seus plans de axuste, sofren unha retención do 50% da PIE (Participación nos Ingresos do Estado). Unha vez transcorridos eses dous anos, que a retención se reduza ao 25% ata saldar a súa débeda.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
