Prevención do racismo e a discriminación racial en Burela

Co gallo do Dia para a Eliminación da Discriminación Racial, este venres 21 de marzo, a Asociación para a Cooperación con Cabo Verde –ACCVE, en colaboración coa área de Traballo Social do Servizo de Atención Primaria de Burela, realizará unha actividade de prevención do racismo e a discriminación racial, dirixida ás familias dos escolares de Burela. A actividade consistirá na entrega, por parte de voluntarias/os ataviados con batas brancas, de panfletos co lema “O racismo, un problema de saúde psicosocial. Non deixes que a tua filla/o enferme” , acompañado de frases de activistas antiracistas como Nelson Mandela e Rigoberta Menchú. A acción terá lugar coincidindo coa hora de saída dos centros de infantil e primaria de Burela, Vista Alegre e Virxe do Carme (14 horas).