Santiago de Compostela, 27 de marzo de 2014.- Catro meses despois da posta en marcha da Unidade de Hospitalización a Domicilio (HADO) do Hospital da Costa, teñen xa acceso a este servizo os pacientes dos 14 concellos da área sanitaria da Mariña lucense. Así o afirmou hoxe a xerente do Servizo Galego de Saúde, Mª Nieves Domínguez, quen resaltou que isto permite ofrecer ao paciente no seu domicilio os coidados médicos e de enfermería continuados e en igual calidade que no hospital, e prestar apoio aos seus familiares.
A hospitalización a domicilio posibilita prestar asistencia sanitaria ao paciente no seu fogar dun xeito máis humanizado e integral, potenciando a autonomía funcional, e a independencia socio-familiar, e garantindo a continuidade e a calidade asistencial.
Unha das principais vantaxes é que o paciente mantense no seu contorno, o que supón unha maior comodidade, tanto para el como para a súa familia, ademais dunha maior intimidade. Ademais, mellórase o aproveitamento dos recursos hospitalarios ao conseguir adecuar as estancias ás necesidades dos pacientes, evitando ingresos prolongados que non achegan valor.
A nova unidade de HADO do Hospital da Costa, tras realizar as obras de adaptación necesarias, dispón dun local propio e conta cun vehículo oficial para a realización dos desprazamentos aos domicilios. Actualmente esta unidade conta con tres profesionais, un médico e dúas enfermeiras, que neste momento atenden a unha media diaria de entre 10-12 pacientes.
O servizo está dispoñible para os pacientes dende as 8 ata as 21 horas de luns a domingo. En horario nocturno, e como ocorre no resto das comunidades autónomas, a solicitude de demanda asistencial cóbrese a través do 061 que mobiliza, cando é necesario, os recursos sanitarios de acordo coa situación clínica do paciente.
Esta Unidade atende a pacientes con patoloxías cirúrxicas; médicas (tanto pacientes agudos como crónicos agudizados (EPOC agudizados, insuficiencias cardíacas, hepatopatías crónicas…); e atencións paliativas, entre outras.
A xerente do Sergas explicou que existen ademais, unha serie de condicións necesarias para que un paciente poida ser atendido no seu domicilio por HADO (ter un diagnóstico establecido, unha situación clínica estable e a posibilidade de realizar o tratamento no domicilio), segundo os criterios de seguridade, adecuación e información.
En canto aos criterios de adecuación e información, destacou a necesidade de aceptación por parte do paciente e coidador; as adecuadas condicións socio familiares; e a existencia dun coidador principal, familiar ou non, que estea en condicións de colaborar co equipo de HADO nos coidados que require o paciente unha vez que se atopa no seu domicilio.
“Isto permite que enfermos con determinadas patoloxías sigan o tratamento no seu fogar cos mesmos medios que no hospital, pero coa vantaxe de evitar o seu ingreso –declarou Nieves Domínguez-; e seguiremos traballando para conseguir que todos os pacientes da comarca reciban a mellor atención sanitaria, o que pon de manifesto o compromiso do Servizo Galego de Saúde por seguir mellorando a atención que prestamos á cidadanía da Mariña lucense”.
Ligazón:
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
