AD Santiago de Foz, campión da Liga Prebenxamín da Mariña

O AD Santiago de Foz proclamouse campión por partida dobre da primeira edición da Liga Prebenxamín da Mariña de Fútbol Sala, organizada pola Fundación Impulso ao Deporte, Cultura e Turismo na Mariña. En Prebenxamín 1 (nacidos/as en 2006), os focegos finalizaron no cumio con 36 puntos; na categoría Prebenxamín 2 (nados/as en 2007-08) e con 12 puntos, compartirán o título con AD Praia de Covas, conxunto que rematou primeiro na táboa na primeira volta, con 15 puntos.

A Liga Prebenxamín da Mariña FS de Imdecum arrincou en novembro de 2013, cun total de oito clubs. AD Santiago de Foz, AD Praia de Covas, ED Burela FS, Escolas Celeiro Xove FS, EDM Cervo, ED Lourenzá e Cidade de Viveiro participaron en Prebenxamín 1. Prebenxamín 2 contou coa representación de AD Santiago de Foz, AD Praia de Covas e ED Burela FS, coa incorporación de ACD Xove.

Os pequenos deportistas gozarán da clausura oficial da competición e recibirán os seus merecidos trofeos a próxima fin de semana, o sábado 12 de abril.

PRE-BENXAMÍN 1

PRE-BENXAMÍN 2 – (Primeira volta)

PRE-BENXAMÍN 2 – (Segunda volta)

*Foto: A Caixa Escura Producións.

Posto Equipo Xogados Gañados Empatados Perdidos GF GC Puntos
1º AD SANTIAGO DE FOZ 12 12 0 0 85 22 36
2º AD PRAIA DE COVAS 11 8 0 3 44 26 24
3º ED BURELA FS 12 7 1 4 46 37 22
4º CFS CIDADE DE VIVEIRO 12 6 0 6 60 49 18
5º ED LOURENZA 12 4 1 7 50 42 13
6º EDM CERVO 11 2 1 8 54 68 7
7º ESCOLAS CELEIRO XOVE FS 12 0 1 11 14 109 1