O Jaén Paraíso Interior será o penúltimo visitante do Burela FS Pescados Rubén no súa carreira cara aos play off. Vista Alegre acollerá este sábado un intenso Maratón Laranxa, co partido de Primeira RFEF, Burela FS-Móstoles como antesala; a entrada para ambas as citas (16.00 e 18.30 horas) será gratuita para soci@s; o prezo para non soci@s será de 12 euros/adulto, 5 euros/14-17 anos e 3 euros/0-13 anos.
“Sabemos que unha vitoria proporcionaríanos un salto importante. Temos un calendario difícil ata o final e debemos encarar esta cita sen máis opción que os tres puntos, porque nos darían moitas aspiracións para os play off” adiantaba o preparador burelista, Juanlu.
Os mariñáns (oitava praza, 33 puntos) chegan á 27ª xornada coa espiña cravada da primeira volta, un excesivo 4-0. “Curiosamente realizamos unha das nosas mellores primeiras partes da tempada, pero o desacerto de cara ao gol pesounos moito tras o descanso; púidonos a ansiedade e o Jaén estivo moi oportuno nas súas ocasións recordaba” o técnico laranxa, incidindo nas virtudes xienenses, que ocupa a 13ª praza, con 21 puntos: “É un equipo que defende moi ben, aplica intensidade e reflicte moita orde. Móvese habitualmente en marcadores axustados e con partidos moi pechados” explicaba o adestrador burelista, facendo un chamamento á “paciencia e concentración porque será un partido difícil ata o final”.
Juanlu dispoñerá do cadro ao completo, con algunha que outra molestia. O vestiario de Dani Rodríguez chegou este mediodía a Burela coas ausencias de Víctor Montes e Ordóñez e a novidade de Sergio Cobo; plantarase en Vista Alegre con ganas de vitoria logo “dun mal partido” ante Peñíscola (1-2), como cualificou o seu adestrador, ex-xogador laranxa.
Rival á espreita
Pelexando por coarse entre os oito privilexiados de play off, persegue á escuadra laranxa o Montesinos Jumilla FS, con 32 puntos; os murcianos visitarán esta semana a pista do Manacor, décimo (23 puntos).
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
