O Burela FS Pescados Rubén conseguiu esta tarde tres traballadísimos puntos na visita a Vista Alegre do Jaén Paraíso Interior (2-1), un resultado que lle permite manterse en postos privilexiados e seguir soñando co play off. Tal e como adiantaba o técnico laranxa, Juanlu, os mariñáns tiveron que pelexar durante os corenta minutos “con paciencia e concentración ante un rival afeito a partidos moi pechados”; Matamoros anotou o gol da vitoria para éxtase da bancada faltando 41 segundos para a bucina final.
Empezaron ben os laranxas axexando a portería de Prieto xa nos primeiros compases, con dominio na pista rival. Aos 15 segundos de xogo, Juanma intentaba dar a sorpresa, con despexe do meta xienense por arriba. Matamoros, Iago e Isi tamén contaron con grandes oportunidades antes do minuto 5. Pouco despois, Edu sobresaltou á bancada nun saída arriscada para frear o ataque xienense, pero tamén estivo sublime pouco despois ao desbaratar unha xogada de estratexia. Roldando o ecuador, Iago intentouno cun centro perfecto que non atopou compañeiro, e Antoñito, tan só un minuto despois, lanzou un mísil que se estrelou no corpo do gardameta visitante. Tamén probou Burrito, de espeto no 14, con nova intromisión de Prieto. No 17, Isi buscou a Antoñito e Hugo ao bordo da liña de meta sen éxito. Chegaba o tempo de descanso sen movementos no electrónico.
A posesión e o perigo atoparon unha repartición máis equilibrada no reinicio. Ao disparo picado de Iago Míguez (minuto 24) respondeu o Jaén FS sobre a portería de Edu, con máis traballo tras o descanso. O de Narón freou unha dobre embestida de Sergio García e unha tentativa de Juan Puertas desde saque de esquina, no minuto 25. Con todo, nada puido facer tan só dous minutos despois nun contraataque do propio Juan Puertas. Con 0-1 en contra, o Burela FS seguiu intentándoo; non estaba disposto a deixar escapar os tres puntos da bomboneira. Logo dunha dobre oportunidade de Iago Míguez, primeiro revolvéndose na área e despois nun pase longo de Burrito en galopada, chegou o empate, de Antoñito, que aproveitou un rexeite da defensa andaluza ao bordo da portería (minuto 31); antes Edu impedira o 0-2, de Jorge.
No 33, cantou Vista Alegre o espellismo do 2-1 de Burrito, que a punto estivo de coarse na portería con Prieto, e Mata asustou desde a banda fronte ao enredo de xienenses e mariñáns na área visitante. Volveu á carga o 10 laranxa, con fame de gol, e tras dúas infrutuosas tentativas (minutos 37 e 38) e con Mimi liderando o xogo de cinco, á terceira chegou a vencida; o pichichi burelista subiu o 2-1 a 41 segundos para o final. Reaccionaron os visitantes con Yoni como porteiro xogador. A falta de 4 segundos, Mata aínda dispuxo dun balón que se paseou en paralelo pola liña de meta.
O Burela FS medirase na próxima xornada ao líder, Inter Movistar, en Alcalá de Henares; o partido, emitido por Energy TV, disputarase o sábado 12, ás 13.00 horas.
Ficha técnica
Burela FS Pescados Rubén: Edu, Mimi, Iago Míguez, Isi, Juanma, cinco inicial; tamén xogaron Matamoros, Antoñito, Burrito, Christian, Hugo
Jaén Paraíso Interior: Prieto, Miguelín, Lolo Jarque, Jorge, Jose López, cinco inicial; tamén xogaron Yoni, Juan Portas, M. Ureña, Sergio García, E. Buendía
Goles: 0-1, minuto 27, Juan Puertas; 1-1, minuto 31, Antoñito; 2-1, minuto 39, Matamoros
Árbitros: Arce Ruiz // De Juana González (Cantabria)
Tarxetas: Por Burela FS amarela a Mimi (minuto 30), Matamoros (minuto 34). Por Jaén, amarela a Miguelín (minuto 36)
Incidencias: Partido correspondente á 27ª xornada de Primeira División LNFS, que contou coa presenza da Selección do Xapón, dirixida polo español Miguel Rodrigo, nas bancadas; durante o descanso, o manager xeral do Xapón, Kentaro Kurata, e o presidente do Burela FS, Manuel Branco, obsequiáronse cun intercambio de camisetas. 900 espectadores
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
