A Mariña, 7 de abril de 2014. Representantes orgánicos e institucionais do BNG en Mondoñedo en Mondoñedo e na Mariña presentaron hoxe as “I XORNADAS DE ANÁLISE E ALTERNATIVAS DO BNG NO CONTEXTO SOCIAL E ECONÓMICO ACTUAL”. Nesta xornada, aberta á cidadanía, preténdese analizar en tres bloques temáticos a situación de degradación dos servizos públicos – sanidade, ensino e servizos sociais – , o impacto en Galiza do modelo social e económico europeo, e a Reforma da Administración Local recentemente aprobada polo goberno do Estado, os seus efectos sobre a capacidade de prestación de servizos polos concellos, o desenvolvemento local e a participación cidadá no ámbito local.
A xornada celebrarase o próximo sábado, 12 de abril entre as 10:30 e as 14:00 hrs. no Salón de Actos do Centro Comarcal de Mondoñedo e pretende, nun formato dinámico e participativo, abrir un diálogo coa sociedade a respecto das temáticas tratadas.
Nas mesas, divididas en tres bloques, participarán persoas vinculadas pola súa actividade, profesional, sindical, política ou social aos temas a tratar, dándolle participación ao público asistente para abrir o diálogo arredor dos asuntos tratados.
A xornada, organizada polo BNG en Mondoñedo e a propia organización comarcal, tratará a situación de degradación dos servizos públicos en xeral, asfixiados pola doutrina da austeridade impulsada polos gobernos galego e estatal que seguen ao ditado as instrucións da Troika, nun proceso planificado de destrución do estado social, para entregar en mans de intereses privados dereitos básicos e fundamentais como o ensino, a sanidade ou os servizos sociais.
En relación ao modelo europeo, o BNG mantivo historicamente unha postura crítica que o tempo veu demostrando como acertada. Unha UE, antes CEE, que se constrúe ao marxe da sociedade, na que os ámbitos de decisión non son democráticos e mesmo se sitúan fora da propia UE – Troika – , na que Galiza non conta con capacidade para defender ou decidir sobre os seus principais recursos produtivos e mesmo acude sen titubeos aos rescate dos organismos financeiros e grandes corporacións empresariais mentres asfixia ás maiorías sociais recortando dereitos laborais, sociais e servizos públicos, non pode contar co apoio do BNG que combaterá socialmente e coa representación no parlamento europeo este modelo.
Na xornada tamén se tratará a recentemente aprobada, Reforma da Administración Local, como unha ferramenta de centralización e control político que elimina a posibilidade da administración mais próxima á cidadanía – os concellos – de prestar servizos esenciais. Como exemplo contrario porase sobre a mesa , con exemplos prácticos, a capacidade dos concellos para poñer en marcha proxectos de desenvolvemento local, participativos e útiles no campo económico e de xeración emprego.
A xornada estará formada polas seguintes mesas e ponencias:
I XORNADAS DE ANÁLISE E ALTERNATIVAS DO BNG NO CONTEXTO SOCIAL E ECONÓMICO ACTUAL
Mondoñedo, 12 de abril de 2014.
Salón de Actos do Centro Comarcal
10:55 h. – Saúda do alcalde de Mondoñedo, Orlando González Cruz.
11:00 h. – “Os servizos Públicos como ben imprescindíbel nunha sociedade xusta e desenvolvida ”
Presenta e modera: Eloi Cabanas – Responsábel local do BNG en Mondoñedo
· A degradación da sanidade pública como fin para a súa privatización.
Víctor Vila – Membro da Plataforma na Defensa da Sanidade Pública da Mariña.
Montse Prado Cores – Deputada no Parlamento Galego para asuntos sanitarios
· O ensino público como garantía de desenvolvemento social.
Elvira Lombao Vila – Plataforma Galega na Defensa do Ensino Público
· Servizos Sociais públicos
Xosé Igrexas García – Concelleiro en Melide, ex – Técnico de Coordinación do 2º Plan Galego de Inclusión Social.
11:45 h. Coloquio
12:00 h. O impacto en Galiza do modelo económico e social da UE e o soberanismo como alternativa.
Presenta e modera : Ana Ermida Igrexas – Responsábel Comarcal do BNG na Mariña
Bernardo Valdés : Profesor de Economía aplicada da USC no Campus de Lugo
Ana Miranda Paz: Eurodeputada e candidata do BNG ao Parlamento Europeo
12:45 h. Coloquio
13:00 h. Alternativas de desenvolvemento local e participación cidadá nos concellos galegos. Reforma da Administración Local, ruína para a cidadanía.
Xusto Fernández Haro – 2º Tte. de Alcalde de Mondoñedo
Francisco García Suárez – Alcalde de Allariz
13:45 h. Coloquio
14:00 h. Conclusións e peche: Orlando González Cruz: Alcalde de Mondoñedo.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
