O Presidente, José Ramón Gómez Besteiro, presentou este luns o debate “O futuro do monte galego”, enmarcado no ciclo Galicia en clave económica, organizado por Deputación e Economía Digital, coa colaboración de El Progreso. Despois da boa acollida que tiveron estas xornadas na capital luguesa, o organismo provincial estreou este martes en Viveiro o primeiro dos debates que levará por toda a provincia co fin de achegar ós lucenses un análise rigoroso da realidade socioeconómica de Galicia, no que expertos do país propoñen e compartes solucións. Nesta ocasión, os poñentes foron Emilio Santos, Ana Oróns e Manuel Galdo.
“Abrimos esta nova etapa falando dunha actividade fundamental para a economía da comarca da Mariña e de toda Galicia: o sector da madeira”, destacou Besteiro, apuntando que a facturación da industria da madeira e o moble chegou no 2013 ós 1.668 millóns de euros, un 2,6% máis que no 2012, segundo os últimos datos de Confemadera Galicia. “Isto significa que, a pesar do embate da crise, Galicia segue sendo unha potencia forestal, posto que producimos 7 millóns de metros cúbicos ó ano, a metade da madeira de España, e ocupamos o 9º posto a nivel mundial, cun sector que sostén 70.000 empregos directos e indirectos”.
“Pero este non é nin moito menos o teito desta actividade industrial no noso país. Temos que afrontar e resolver os históricos problemas estruturais do monte galego. As posibilidades son enormes”, defendeu o Presidente. “Segundo un recente estudo elaborado pola Fundación Barrié, do que precisamente se fixo eco Economía Digital, unha adecuada xestión e aproveitamento do territorio en Galicia permitiría duplicar o peso da industria forestal no PIB galego, pasando do 3% que representa hoxe, ó 6%; crear uns 70.000 novos empregos; fixar poboación, e poñer freo ós incendios. A experiencia demostra que arden os montes abandonados; os que están coidados poden arder, pero é máis fácil extinguilos”.
“Na comarca da Mariña temos un exemplo, un modelo, en canto á rendibilidade económica, social e medioambiental que leva consigo unha boa ordenación e aproveitamento forestal. Con máis de 92.000 hectáreas forestais e 25 millóns de euros facturados ó ano polas cortas, esta é unha das zonas de maior produción de Galicia, e, ó mesmo tempo, a comarca que rexistra menos lumes de toda a comunidade. Segundo as estatísticas oficiais, prodúcense 23 incendios ó ano, fronte ós, por exemplo, máis de 500 de Verín-Laza. De feito, en dúas décadas non houbo na Mariña incendios de máis de 200 hectáreas. As condicións climáticas inflúen nesta baixa incidencia dos lumes, pero dende logo que non é o único factor. A clave está na ordenación forestal e en que os montes xeran riqueza para os mariñanos, teñen valor. Creo que este é o camiño que debemos seguir” avogou Besteiro.
Expertos
Os poñentes do do debate O futuro do monte galego foron:
Emilio Santos: licenciado en Económicas pola Universitat de Barcelona, ten desempeñado diferentes postos directivos en Finsa, primeiro grupo madeireiro de Galicia. Na actualidade é Vicepresidente do Patronato da Fundación Apóstol Santiago de Ciencias Sociais e da Fundación Empresa-Universidade Galega (FEUGA).
Ana Oróns: Secretaria Xeral de Confemadera, leva máis de 9 anos implicada na defensa dos intereses do sector dende as organizacións que o representan en Galicia. Ten exercido unha labor fundamental na análise do aproveitamento forestal e do desenvolvemento das preto de 3.000 empresas vencelladas ó monte galgo. É directora do Grupo Gallego de Certificación Forestal y Cadena de Custodia.
Manuel Galdo: Presidente de Promavi, organización que representa ás asociacións de produtores de madeira de Viveiro, e outros propietarios dos Concellos de Ourol, Xove e O Vicedo, nacidas en resposta a unha estrutura forestal galega marcada polo minifundismo privado. Actualmente, Galdo está impulsando unha das primeiras cooperativas de produtores de madeira de Galicia.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
