Burela, 22 de abril de 2014. A vindeira semana darán comezo os traballos de retirada dos restos do faro da Pena de Burela, que foi destruído polos temporais do inverno. Si se cumpren todos os prazos previstos esas labores rematarán para as festas patronais da vila. O alcalde, José Mª González Barcia, dixo que o Concello tentará quedarse cun dos toros do faro danado, para situalo na rotonda de acceso ao porto e renderlle así homenaxe.
O rexedor dixo que “se non hai ningún motivo que o impida durante a próxima semana está previsto que dean comezo as obras de retirada dos restos do faro da Pena Burela que, como se sabe, resultou practicamente destruído nos temporais que azoutaron a nosa costa polo Antroido. Tal e como estaba previsto estas obras foron adxudicadas no seu día pola Autoridad Portuaria de Ferrol-San Cibrao, que é a competente na materia, por un importe total de 56.000 euros, IVE incluído”.
González Barcia explicou que “as obras consisten primeiro en estabilizar os restos que hai actualmente na pena para que non caian ao mar; o segundo paso sería o torado dos restos, que teñen unha base de aproximadamente 4 metros por unha altura de 6, estímase entre dez e doce anacos; e despois xa, a terceira fase, sería a retirada cara a porto deses toros para levalos a un xestor de residuos autorizado e poder así eliminalos”.
O alcalde burelés indicou que “está previsto que as obras se inicien para a próxima semana e se o mar deixa traballar con normalidade prevese que a retirada dos restos estea completamente rematada practicamente durante as festas de Burela, de xeito que na procesión marítima estea xa colocada a nova baliza metálica de 5 metros de alto que, con carácter provisional, se vai instalar na Pena Burela mentres non se elabora o proxecto e non se constrúe o novo faro que, como se sabe, preténdese que sexa practicamente igual ao que existía ata este momento”.
José Mª González Barcia subliñou que “deste xeito vanse cumprindo os prazos que tíñamos en mente tanto o Concello de Burela, por un lado, como a Autoridade Portuaria de Ferrol-San Cibrao, por outro, e que eran evidentemente coincidentes porque neste caso convén destacar sempre a impecable coordinación que houbo e que está habendo entre as dúas administracións e tamén destacar o compromiso da Autoridade Portuaria Ferrol-San Cibrao con esta actuación”.
O alcalde adiantou que “teño prevista unha reunión, a finais deste mes ou a principios de maio, co presidente da Autoridade Portuaria de Ferrol-San Cibrao, José Vilariño, para, entre outras cousas, ver como está nese momento a tramitación do novo faro de Burela. Cónstame que por parte da Autoridade Portuaria de Ferrol-San Cibrao se teñen solicitado ofertas a consultorías de enxeñería e de arquitectura para ver canto pode importar a elaboración do proxecto de obra e seguro que nesa reunión algo poderemos avanzar ao respecto; e poderemos ir tamén, ao mesmo tempo, revisando quizais os prazos de cara ao futuro para chegar a construír o novo faro de Burela, que queremos que sexa practicamente igual ao que existía”.
O rexedor engadiu que “o Concello está a estudar a posibilidade de quedarse cun dos toros do faro destruído para situalo na rotonda de acceso ao porto de Burela. Sería unha forma de renderlle tributo a un elemento fundamental para a seguridade da navegación marítima e para a seguridade na entrada ao porto burelés”. Tamén o IES Monte Castelo amosou o seu interese en facerse con outro anaco do faro da Pena Burela.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
