Burela, 23 de abril de 2014. O alcalde, José Mª González Barcia, manterá o luns 28 de abril un encontro en Santiago coa secretaria xeral de Igualdade, Susana López Abella, co obxectivo de fixar os protocolos de uso da vivenda que o Concello prevé destinar a emerxencia social. Por outra banda, Barcia indicou que a mediados de maio poderían ser entregados ás asociacións os catro locais habilitados noutra vivenda dos mestres do CEIP Virxe do Carme.
O rexedor explicou que “na obra que se fixo co obradoiro de emprego Sendas de Burela, Cervo e Xove reformamos dúas das vivendas dos mestres do CEIP Virxe do Carme. Unha delas destínase a locais para asociacións e de feito confiamos en entregar estes locais, que xa teñen solicitantes, na segunda quincena de maio”. González Barcia sinalou que “aí hai catro locais para asociacións e todos eles xa teñen solicitantes e adxudicatarios. Quedan pequenos detalles por facer, como enganches de auga e de luz. Isto é unha forma de axudar ás asociacións a poder desempeñar as súas actividades. Son moi poucos os colectivos de Burela que teñen locais propios. Todas as dependencias que hai para asociacións na antiga praza de abastos están ocupadas e coa adecuación desa vivenda conséguense catro locais máis”.
O alcalde burelés sinalou que “a segunda vivenda queremos destinala a emerxencia social. Por exemplo, algún caso de violencia de xénero podería atenderse alí, tamén podería servir para un caso puntual dun deshaucio, pero sempre contando co informe preceptivo dos servizos sociais municipais e da Xunta de Galicia. Esta vivenda está case lista, pero faltan uns detalles”. Para concretar o uso e a posible execución dos mesmos o rexedor manterá o vindeiro luns, 28 de abril, unha entrevista en Santiago coa secretaria xeral de Igualdade, Susana López Abella. “Xa faláramos deste tema, pero agora que as obras acabaron e sabemos os detalles que quedan por executar, temos a idea bastante clara do que queremos facer con esta vivenda e entonces pedimos esta reunión para concretar os detalles. Confiamos en que desde a Xunta de Galicia se nos poida botar unha man, a pesar de que a situación económica non é boa, para ultimar estes detalles e fixar criterios e protocolos para uso da vivenda”, engadiu José Mª González Barcia.
O rexedor lembrou que “o obradoiro de emprego que desenvolvemos xunto con Xove e Cervo foi de grande utilidade para o Concello e para os cidadáns, porque, aparte de crear en Burela 9 postos de traballo e en total 27 durante seis meses, a actuación que se fixo foi importante e moi beneficiosa para os intereses municipais e dos cidadáns. Escollemos este tipo de obras porque se trata de actuacións dun forte contido social, que nestes momentos é onde as administracións públicas temos que facer máis fincapé”.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
