O Burela FS Pescados Rubén non puido cumprir este sábado co obxectivo dos tres puntos na visita a Vista Alegre do férreo Roldán FSF (1-4); logo dunha primeira parte dubitativa, as mariñás intentaron recuperar as súas forzas sen fortuna na finalización. Este resultado deixa as laranxas a 5 puntos do líder, Atlético de Madrid Navalcarnero, que liquidou a súa cita fronte ao Viaxes Amarelle con 5-2.
Ás burelistas custoulles entrar no ritmo de xogo; saltaron á pista lastradas por certa lentitude e con perdas de balón, ante a constante presión do Roldán. No minuto 12, as visitantes estrearon o marcador, nunha xogada de falta finalizada por Maite. Con 0-1 a bucina anunciou a chegada do descanso; Jozi, moi oportuna nas súas aparicións, conseguiu frear as embestidas visitantes.
Tras o descanso, as laranxas volveron á pista con máis frescura. A perigosidade e as ocasións equilibráronse, con gran protagonismo e acerto por parte de ambas as metas; Patri asumiu a defensa dos paus laranxas na segunda parte, polas molestias de Jozi tras unha saída de portería antes do descanso. O Roldán FS foi de novo o primeiro en atopar o gol, no minuto 26, ao culminar Marta Peñalver desde o bordo da área unha recuperación de balón tras saque desde a meta galega.
Con 0-2 e superado o ecuador do segundo período, o Burela FS apostou con Claudia como porteira xogadora, desde o minuto 34, pero a fortuna caeu do lado visitante, con tanto de Juani a porta baleira (minuto 35). Seguiu insistindo o cadro de Quico Otero con xogo de cinco e cada vez con máis perigo, aínda que con resistencia da portería. Xa na recta final, no último minuto, o Roldán volveu tomar baza para subir o 0-4, nun balón en pugna entre Maite e Claudia que acabou rebotando e superando a liña de meta local. A falta duns 20 segundos, o Burela FS atopou o seu tan traballado gol, nos pés de Lara, ao segundo pau, sen tempo para máis.
Próxima xornada
As mariñás visitarán a próxima semana, na 27ª xornada, o Poio FSF. Pola súa banda o Atlético tamén xogará a domicilio, con derbi, fronte ao Móstoles.
Aínda quedan catro xornadas para demostrar que o Burela FS nunca se rende. Todo é posible e seguiremos pelexando polo Horizonte Laranxa.
Ficha técnica
Burela FS Pescados Rubén: Jozi, Peque, Bea Mateos, Claudia, Lara, cinco inicial; tamén xogaron Lidia, Daniela, Cris e Patri.
Roldán FSF: Sonia, Marta Pelegrín, Inma, Juani, Alba, cinco inicial; tamén xogaron Pepa, Miriam, Marta Peñalver, Maite.
Goles: 0-1, minuto 12, Maite; 0-2, minuto 26, Marta Peñalver; 0-3, minuto 35, Juani; 0-4, minuto 39, Maite; 1-4, minuto 39, Lara.
Árbitros: Ángel Vilas // José Luis Rey
Tarxetas: Por Burela FS amarela Bea Mateos e por Roldán FS, a Marta Pelegrín
Incidencias: Partido correspondente á 26ª xornada de Primeira División RFEF. Arredor de 400 espectadores.
*Foto: A Caixa Escura Producións.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
