Burela, 9 de maio de 2014. A Delegación de Medio Ambiente do Concello de Burela e a Confraría de Pescadores de Burela convocan o II Certame de Relato Curto, para os estudantes de educación primaria, coa finalidade de conmemorar o Día Mundial dos Océanos, que se celebra o 8 de xuño.
Poderán participar nenos e nenas, alumnos dos colexios de Burela ou residentes en Burela, en idade de cursar os estudos de Educación Primaria. As inscricións pódense materializar dende o 19 de maio ata o 3 de xuño nas dependencias da Biblioteca Pública Municipal.
Desde a Concellería de Medio Ambiente sinalan que “os que desexen participar deberán facer por escrito un relato curto coa seguinte temática: que é o mar para os máis pequenos (1º e 2º ciclo de Primaria), e Burela…e o mar , para o grupo dos maiores. O documento poderá estar en galego ou castelán. As obras presentaranse en formato DIN-A4, cunha extensión máxima dunha cara”. Os participantes dividiranse en 3 grupos: o primeiro estará formado por nenos/as que cursen o 1º ciclo de Primaria, o segundo por nenos/as que cursen 2º ciclo de Primaria e o terceiro por nenos/as que cursen 3º de Primaria.
A data límite para a aceptación dos traballos (na Biblioteca Pública) é o vindeiro 3 de xuño de 2014. A cada participante admitiránselle unha obra. As obras presentaranse baixo pseudónimo, xunto con elas adxuntarase un sobre pechado en cuxo exterior figure o pseudónimo, título da obra e o curso escolar; e no interior do mesmo o nome, idade, curso escolar, domicilio e teléfono de contacto do autor.
O xurado estará composto por: un representante da Confraría de Pescadores, un representante da Oficina de Medio Ambiente do Concello de Burela e polo director da Casa da Cultura do Concello de Burela. O fallo do xurado farase público e avisarase telefonicamente aos premiados.
A entrega de premios terá lugar o 9 de xuño (luns) no salón de actos da Confraría de Pescadores de Burela, establecéndose un primeiro premio para cada categoría, que consistirá en lotes de material educativo relacionado co mar: un premio para 1º ciclo de Primaria, un premio para 2º ciclo de Primaria e un premio para 3º ciclo de Primaria.
A Delegación de Medio Ambiente e a Confraría de Pescadores indican que “os traballos serán expostos ao público unha vez que se emita o fallo do xurado e durante o prazo aproximado dun mes. Unha vez rematada a exposición, serán devoltos aos seus artífices; agás as obras premiadas que quedarán en propiedade da Confraría, que se reserva o dereito de editalas e empregalas sen ánimo de lucro e facendo sempre mención do autor das mesmas. As obras non premiadas que non sexan recollidas antes do 30 de xuño na biblioteca municipal entenderanse cedidas á Confraría”. E engaden que “a Confraría terá o máximo coidado no tratamento do material recibido, se ben non se fai responsable en caso de extravío ou deterioro involuntario, motivado pola manipulación das mesmas. A inscrición neste certame supón a total aceptación das bases e a aceptación do fallo inapelable do xurado”.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
