Burela, 9 de maio de 2014. Un grupo de 36 alumn@s de 4º ESO e PDC do IES Perdouro realizarán o próximo luns, 12 de maio, tarefas de limpeza da praia na zona do Perdouro. Estarán acompañados das monitoras do Centro de Educación Medioambiental Gaia e de mestres do centro. A saída está prevista ás 8.30 dende a praza do Concello de Burela.
Segundo explican desde a Concellería de Medio Ambiente “os participantes rexistrarán nunha ficha de identificación e cuantificación o lixo que recollerán, datos sobre a cantidade e o tipo de residuos que atopen durante a xornada: plásticos, metais,vidro,residuos hixiénicos-sanitarios, roupa, papel-cartón, bolsas de plástico, botellas e garrafas, envoltorios, luvas, bidóns, boias, flotadores, cintas de embalaxe, cordas, palés, caixas, nasas, anzois, botas de goma, rodas, cabichas, etc…”.
Os alumnos levarán guantes de plástico. Todo o lixo será recollido en sacos donados pola Confraría de Pescadores de Burela e posteriormente será recollido pola empresa concesionaria do servizo de limpeza, que é Celta Prix.
Pola súa participación os alumnos recibirán unha bolsa con material relacionado coa reciclaxe e coa recollida selectiva, cedida por Sogama (nela poderán atopar dípticos, lapiceros, etc..).
As monitoras de Gaia informarán ao alumnado “sobre o problema do lixo nas praias e o tempo que tardan algúns obxectos en descompoñerse (unha lata de refrescos tarda 10 anos, unha botella de plástico de 100 a 1000 anos, unha cabicha de 1 a 3 anos e unha bolsa de plástico máis de 15 anos)”.
Con esta actividade as monitoras pretenden sensibilizar ao alumando sobre a importancia de manter limpos os ecosistemas: praias e costa sen latas, plásticos e vidros. Calculase que un millón de aves e cerca de 100.000 tartarugas, ademais doutros animais mariños, morren cada ano debido á inxestión de bolsas de plástico, que bloquean os seus condutos dixestivos.
As monitoras de Gaia cren que “é unha forma de concienciar ao alumnado respecto ao medio ambiente, comprobando por eles mesmos como se atopan as praias e as costas do noso territorio”.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
