Cervo, 14 de maio de 2014- O CD San Ciprián comezará unha nova etapa despois da remodelación do campo de fútbol municipal da Veiga. A modernización do terreo de xogo, coa instalación de herba artificial e outras melloras, abre grandes posibilidades que o club quere aproveitar ao máximo. Por iso, esta entidade deportiva, xunto co Concello, inicia hoxe unha campaña para captar xogadores, dirixida a todas as categorías do fútbol base, dende benxamín, alevín e infantil ata xogadores nados entre o 1996 e o 2000.
Unha campaña que inclúe charlas explicativas que tiveron lugar hoxe nos dous colexios de primaria do municipio (ás 11:30 foi a primeira no CEIP Cervo nº1 de San Ciprián e ás 15 horas a segunda no CEIP de Cervo). Uns actos que concluirán cunha presentación oficial aberta aos pais e nais prevista para este venres, ás 20 horas, no Auditorio da Casa da Cultura.
Unhas actividades coas que o Club Deportivo pretende chegar tanto aos posibles xogadores como aos pais e nais para que estean informados e coñezan as novas posibilidades que se abrirán coa mellora do campo. En concreto, o club pretende ampliar as perspectivas deportivas, conformando equipos en todas as categorías, máis horas de adestramento, a organización de ligas e campionatos e todas aquelas melloras que ata o de agora non eran posibles polas limitacións do campo de herba natural, que non permitían un uso intensivo. Unhas actividades que serán gratuítas, incluídas as equipacións, polo que o único requisito para xogar nun equipo será facerse socio do club.
Durante esta campaña, e en concreto durante as charlas que tiveron lugar este mércores, o edil de Deportes, Luis Guillén e o representante do club, Manel Leal, explicaron as grandes vantaxes que terá para os nenos a súa entrada no CD San Ciprián. “A remodelación do campo de fútbol da Veiga non é só unha mellora estrutural. Un terreo de xogo sempre dispoñible, sempre en bo estado, que permite un aproveitamento continuado, de día e de noite, fai posible que o Club Deportivo San Ciprián siga traballando e crecendo. Un campo que estará dispoñible para todos os clubs e persoas que desexen utilizalo co obxectivo de que se beneficie del toda a sociedade cervense” asegura Guillén.
Da mesma maneira, o edil de Deportes e o representante do club defenden a necesidade de “crear canteira con xogadores do concello, conseguindo que a nosa xuventude atope no San Ciprián unha opción atractiva para a práctica de fútbol, sempre traballando dende as categorías de base como forma tamén de seguir acadando éxitos nas superiores” asegura Manel Leal, facendo referencia ao ascenso a Primeira Autonómica da categoría sénior.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
