Lugo, 23 de xullo de 2014.- O voceiro de montes do Grupo Popular e secretario do Parlamento de Galicia, Jose Manuel Balseiro, sinalou hoxe que Lugo, a provincia coa maior superficie arborada de Galicia, será a principal beneficiaria da Estratexia da Xunta para o impulso á biomasa.
O propio deputado popular xa adiantaba esta posibilidade, hoxe confirmada, cando a finais do ano pasado o Parlamento galego aprobaba, a instancias do Grupo Popular e co apoio de AGE, unha iniciativa pedindo á Xunta que aproveitase esta fonte de enerxía limpa e alternativa
“Dispoñemos das mellores condicións para desenvolver unha industria asociada ao aproveitamento enerxético da biomasa forestal e somos ademais a provincia cun monte mellor ordenado e con menor incidencia dos lumes”- factores que, para Balseiro, reforzan o noso potencial.
A Xunta vén de deseñar unha estratexia integral para os próximos seis anos (2014-2020) que, a través de distintas accións prevé a mobilización de 450 millóns de euros en investimentos, axudas directas que superan os 89 millóns de euros e a xeración de 1.000 postos de traballo só en Galicia.
Balseiro sinala ademais que coa potenciación do uso da biomasa forestal cúmprese un dos obxectivos máis ambiciosos marcados polo sector como é a posibilidade de dar cobertura a toda a cadea de valor do produto, desde que sae do monte ata que chega aos fogares e á industria.
A estratexia galega de impulso á biomasa persegue tamén outros obxectivos como é contribuír ao aforro e a eficiencia enerxética, mediante a diminución do gasto na compra de combustibles fósiles. Neste seno Balserio lembra que o consumo de biomasa para pellets e estelas empregados en sistemas de climatización permiten un aforro de ata un 65% con respecto ao gasóleo e dun 45% respecto ao gas natural.
Posta en valor do monte
Ao mesmo tempo a provincia de Lugo podería verse beneficiada polos esforzos do Goberno galego para crear unha nova industria que contribuirá a poñer en valor o monte e a fixar emprego no ámbito rural. As oportunidades laborais e industrias que nacerán co apoio da Xunta ,farán posible unha maior profesionalización do sector forestal na provincia e un monte máis limpo –de feito, gran parte da biomasa forestal son restos de operacións silvícolas e subprodutos derivados da primeira transformación da madeira que, retirados dos montes, reducen o risco de incendios forestal.
Lugo, unha provincia na mellor posición
Balseiro insiste en que a provincia de Lugo está na mellor posición á hora de aproveitarse do fomento da biomasa no rural e que especialmente aquí pode facerse dun xeito compatible coa sostibilidade do recurso.
Nesta liña ofrece datos moi reveladores como os que amosan que só nos últimos dez anos Lugo aumentou nun 113% as hectáreas sobre as que se fixeron cortas e aproveitamentos madeireiros, cuxos restos aprovéitanse para biomasa, ao tempo que se veu arborando un 15% máis do territorio forestal que non se atopaba plantado con especies arbóreas.
“Ademais, nesta provincia, atopamos emprendedores interesados en sacar partido a este recurso”- conclúe Balseiro.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
