Ribadeo, 23 de xullo de 2014.- A tarde deste mércores a partir das 20:30 horas haberá unha visita teatralizada polo legado indiano de Ribadeo. Esta actividade repetirase todos os mércores ata finais de agosto.
A concelleira de Cultura, Mariluz Álvarez Lastra, dixo que “tras o éxito da festa indiana celebrada hai uns días na vila seguimos dándolle promoción a todo ese legado. Ribadeo Indiano é un proxecto que pretende recuperar o legado cultural dunha época dourada de Ribadeo que tivo lugar nas últimas décadas do século XIX e nas primeiras do XX, unha época de prosperidade e que en boa medida se debe ao retorno dos emigrantes americanos, que permitiron mellorar as posibilidades de vida da poboación e facer de Ribadeo un lugar cosmopolita, abrindo novas porta á cultura, á educación e novas infraestruturas na vila, entre outros”.
Álvarez Lastra sinalou que “pretendemos que este proxecto teña continuidade no tempo, traballar co patrimonio histórico dende o punto de vista turístico e cultural de forma que nos permita realzar o pasado e construír un espazo de referencia para a conservación da nosa identidade local e a recuperación da nosa memoria colectiva e que ao mesmo tempo sirva coma un atractivo turístico para Ribadeo”.
Esta continuidade terá lugar durante este verán coas visitas teatralizadas que se desenvolverán todos os mércores ata finais de agosto ás 20:30 polas rúas de Ribadeo. As visitas teatralizas terán lugar a cargo do grupo de teatro Os Quinquilláns, partirán do Cine Teatro e rematarán no palco da música no parque de San Francisco, están dirixidas a todo tipo de público e son gratuítas.
A edil nacionalista engadiu que “así tamén conscientes do tirón da praia das Catedrais e das número de visitas que recibe diariamente este areal o grupo de teatro previamente a vir para Ribadeo fará unha parada nas Catedrais. Alí realizará unha pequena escenificación invitando á xente que veña a Ribadeo a coñecer o casco urbano da nosa vila e o seu pasado indiano”.
Mariluz Álvarez Lastra invita “a veciñ@s e visitantes a acudir a estas visitas teatralizadas durante o verán”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
