Burela, 23 de xullo de 2014.- Nota do BNG burelés sobre o Pleno Extraordinario celebrado este mércores.
O PP goberna a golpe de improvisación e sen rumbo certo, co encarecemento dos servizos municipais como única folla de ruta
O Grupo Municipal do BNG quedou sen voz no pleno extraordinario celebrado hoxe en Burela, debido á falta de previsión e rigor coa que se fan as convocatorias para os plenos municipais. O Sr. González Barcia ven de convocar un pleno extraordinario esta semana con só dous días de antelación e a menos dunha semana para a celebración do pleno ordinario que tiña que terse celebrado esta mesma semana.
A parte de dificultar o traballo dos grupos municipais, limitar as iniciativas e mesmo a asistencia aos propios plenos, este xeito de convocar o plenario denota unha falta de previsión absoluta por parte do Goberno Municipal do PP. Para Gonzélez Barcia, o “extraordinario” é norma e o “ordinario” excepción, como se deriva das convocatorias realizadas durante estes tres anos que van de lexislatura. O PP goberna a golpe de improvisación e de plenos extraordinarios para aprobar in extremis distintos asuntos que deberían ser tratados por vía ordinaria, en tempo e forma.
Esta xestión irresponsábel non só merma a calidade democrática dos plenos, senón que supón un gasto innecesario para as arcas municipais. O PP, o partido dos recortes en materia social e do encarecemento dos servizos básicos, non ten ningún tipo de problema en duplicar gastos en plenos totalmente arbitrarios e innecesarios.
A Escola Municipal de Música camiña cara á elitización da formación musical en Burela da man do PP
O PP ven de asestar un duro golpe á formación musical en Burela, coa modificación da ordenanza fiscal que regula as taxas da Escola de Música Municipal. Aos incrementos que se aplicaron nestes tres últimos anos nas taxas de matriculación, agora haberá que engadir unha nova suba que repercutirá directamente en todo o alumnado, dificultando o acceso á formación musical de moitas familias.
No pleno extraordinario celebrado hoxe, o PP aprobou en solitario esta suba dos prezos coa excusa de “incrementar” a matrícula na Escola de Música, argumento dificilmente críbel se analizamos a modificación da Ordenanza fiscal proposta polo Goberno Municipal. Aínda que aparentemente as taxas semellan máis baratas, na prácita as matrículas van ser moito máis caras para a maioría do alumnado que cursa estudos na Escola de Música. Isto é debido á eliminación das exencións e bonificacións das que se podía beneficiar o alumnado coa Ordenanza anterior. A nova Ordenanza elimina a exención total das taxas para as unidades familiares con ingresos inferiores ao 100% do SMI. Tamén se elimina a bonificación do 25% para o alumnado empadronado en Burela, o 20% para unidades familiares con ingresos entre o 100% e 120% do SMI, ou a exención para membros activos da Banda.
No caso concreto do alumnado empadroado no Concello de Burela, que curse “Música e Movemento” ou “Formación de Persoas Adultas”, terán que asumir un incremento de 11,59 € na matrícula para o próximo curso, sempre e cando non asistan a algunha “Agrupación”, pois nese caso o incremento total sería de 99,59 € con respecto á taxa de 2013. O mesmo acontece co alumnado empadroado que curse “Formación Integral”, que tará que pagar 22,66 € máis do que pagaba no curso anterior. A nova Odenanza é totalmente inxusta ao non establecer diferenzas entre o alumnado de “Formación Intregral” e que asiste a todas as mateiras e o alumnado de “Formación Non Integral” que asiste a materias soltas. Por se non fora pouco, os alumnos e alumnas que asistan a algunha agrupación da Escola (Coro, Banda, Orquestra ou Jazz) terán que pagar 80€ por cada unha destas materias. Tal como está redactada a propia Ordenanza, o alumnado que curse “Formación Integral” terá que pagar a parte dos 246,53 € de taxas, 80 € pora cada agrupación á que asista. No canto de potenciar as agrupacións da Escola mediante bonificacións ou exencións para o alumnado que participa nelas, o PP aplica taxas, poñendo en serio risco a supervivencia das propias agrupacións, como no caso da Banda de Música.
O BNG está totalmente en contra desta modificación da Ordenanza por ser inxusta ao eliminar a progresividade e dificultar o acceso á formación musical para as rendas máis baixas. Tampouco é de recibo proceder a esta modificacións ás portas do mes de agosto, un mes de case total inactividade e sen marxe de maniobra para a comunidade escolar. O PP está a elitizar a Escola de Música co encarecemento deste servizo, pondo en risco a supervivencia do propio centro musical, e como sempre ás presas e ás agachadas.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
