RIBADEO (FNC) .- . A concelleira de Cultura, Mariluz Álvarez Lastra presentou esta mañá o programa para a nova edición do Festival On&Off que se celebrará a finais da vindeira semana no entorno do concello de Ribadeo.
A edil nacionalista explicou que “como ven sendo habitual ao longo de todos os veráns imos contar cunha nova edición do Festival On&Off, neste caso, este ano cambia de denominación e pasa a chamarse Festivalón porque é diferente ao que foi outros anos, substancialmente mantense o formato do festival pero está encauzado doutra maneira. Este certame vaise desenvolver no noso concello e arredores os días 30 e 31 de xullo e 1 de agosto. Durante todos eses días a xente vai poder disfrutar das proxeccións de 500 curtas galegas, do estado español e tamén estranxeiras. Algunhas delas proxectaranse no Cine Teatro durante todo o día dende as 11.00 da maña ata as 21.00 da noite e despois a sesión oficial ou proxeccións ao aire libre terán lugar no Cantón dos Moreno a partir das 11 da noite”.
Mariluz Álvarez contou que “tamén haberá as rodaxes A toda mecha, curtas onde se pretende que Ribadeo e a súa xente se involucre. Vanse grabar tres curtas eses días na nosa vila e no entorno rural, porque se pretende que canta máis xente participe mellor”. A responsable de Cultura engadiu que “todo isto se vai ver completado con diferentes actividades paralelas para os nenos, sobre todo cunha actividade excepcional este ano. O sábado día 1, durante todo o día, unha caravana que se denomina a Caixiña de Mistos vai estar no parque de San Francisco para facer proxeccións para os máis pequenos. Terán que acudir a esa caravana, que normalmente está adicada a outros fins como son as vacacións estivais dos nenos cos seus pais, pero ese día vaise converter nunha sala de cine onde van poder gozar. Ao mesmo tempo hai unha ludoteca onde se van facer obradoiros de montaxes de personaxes de curtos e animación con plastilina. A gala de peche, como sempre, na que hai diferentes premios para os que participen nas rodaxes das curtas, vaise celebrar o sábado 1 no Cantón dos Moreno a partir das 10 da noite e rematará cun concerto de jazz”.
A concelleira de Cultura confirmou que “se dará cumprida conta do programa día a día, pero todas as persoas que o desexen poden chamar ao teléfono de Cultura, 982 128 650, ou acudir á páxina web para informarse do programa de cada un deses días”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
