O Burela Pescados Rubén e Quico Otero oficializaron a renovación do técnico na sé do club. O presidente, Manuel Blanco, e a directiva responsable do equipo feminino, Alba Vila, acompañaron a Quico Otero durante a súa presentación. Alba Vila declarou que “estamos encantados de poder seguir contando con Quico Otero á fronte do equipo xa que realizou un gran traballo durante a tempada anterior e a nosa confianza nel é máxima. Estou convencida que durante esta nova tempada a evolución do equipo será maior xa que a continuidade nos proxectos é positiva, Quico adaptouse perfectamente ao equipo feminino e cunha tempada de experiencia xa temos maior percorrido realizado para afrontar os nosos obxectivos”. Pola súa banda o presidente manifestouse na mesma dirección e espera que “nesta nova tempada volvamos a ver o espírito competitivo que ten este equipo e podamos gozar co seu fútbol sala”.
O adestrador vivariense agradeceu “a confianza que deposita en min a directiva para continuar con este proxecto e imos intentar superar o realizado a tempada anterior. A experiencia da tempada anterior estou convencido que nos será moi útil para esta nova tempada e aínda que somos conscientes que os títulos son moi difíciles de conseguir a nosa ambición é competir para logralos”. Respecto da competición indicou que “será diferente á tempada anterior xa que hai equipos como Roldán e Gironella que están crecendo e poden estar na loita, pero sobre todo considero que Alcorcón e UA Alacante se reforzaron moi ben e serán candidatos ao título, xa non será unha loita de dúas senón que poden ser 4 ou ata 6 os aspirantes”. Do seu equipo dixo que “reforzamonos coa idea de ter unha maior profundidade de banquiño para poder realizar un reparto equilibrado de minutos e así chegar con maior frescura á recta final. Queremos ofrecerlle á nosa afección máis alegrías e devolverlles todo o agarimo que nos deron e que con seguridade continuarán dando. O ano pasado déronnos máis dunha lección co seu apoio incondicional e a nosa obrigación é continuar co compromiso e entrega que se merecen”.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
