Burela, 8 de agosto de 2014. O Concello de Burela comezou a dar pasos para poñer en marcha a administración electrónica, segundo manifestou o alcalde, José María González Barcia, quen engadiu que “a principios de 2015 confiamos en que estea en gran parte operativa”.
González Barcia dixo que “a partires do un de xaneiro do vindeiro ano, coa entrada en vigor da Lei de Transparencia, temos que cumprir unha serie de parámetros que nestes momentos non cumprimos. Cumprilos pasa por poñer en marcha a administración electrónica, e polo tanto estamos comezando o procedemento administrativo para elo”.
O alcalde manifestou que “as administracións, tamén os Concellos, temos que ser máis eficientes e tentar reducir o gasto en materia administrativa, ademais de ser máis transparentes. Temos que buscar maior axilidade na tramitación dos expedientes, con seguimento electrónico dos mesmos; temos que buscar que os administrados poidan presentar documentos vía electrónica sen ter que vir necesariamente ó Concello; hai que facilitarlle ao cidadán que poida coñecer en tempo real cal é o estado de tramitación do seu expediente; hai que implantar a posibilidade de presentar as facturas electronicamente, etc, de forma e maneira que ganemos en eficacia e eficiencia”.
Barcia indicou que “nas últimas semanas contemplamos distintos escenarios, coñecemos algunha experiencia, e á vista da información da que dispoñemos decidímonos a dar un paso adiante, máxime visto que o Innóvate da Deputación non se da posto en marcha desde que se empezou a falar del, en 2009, xa que de feito está totalmente paralizado”.
Igualmente, indicou que “imos con retraso neste campo, e somos conscientes; outros Concellos, no seu momento, ‘pasaron’ da Deputación e agora téñena funcionando a moi baixo custo; os que optamos por agardar pola Deputación, ao final temos que optar pola autoxestión da implantación da administración electrónica, que, evidentemente, abre unhas portas enormes cara ó futuro”.
González Barcia aclarou que “a súa posta en funcionamento será paulatina; Concellos que levan tempo, máis dunha década, aplicando esta ferramenta, non a teñen aínda aplicada de todo, non teñen esgotadas todas as posibilidades desta ferramenta, polo que nos guiaremos polos criterios que marca a propia lexislación e os que nos indiquen os técnicos competentes”.
Finalmente, Barcia asegurou que “o que fixo a Deputación foi un engana bobos: dixitalizar o rexistro municipal e para de contar; a Deputación adxudicou o Innóvate, que custou na súa totalidade nove millóns de euros e que xerou polémica, e resulta que os Concellos que, coma Burela, se sumaron ao proxecto, a día de hoxe, e logo de reiteradas consultas e peticións á Deputación, non viron que se fixera nada máis ao respecto. Iso si, fixeron unha web sobre o noso Concello que está sen actualizar desde marzo de 2010. O Concello de Burela acolleuse ó Innóvate, traballou e se implicou, pero os resultados son nulos. Se a Deputación distribuíse os nove millóns de euros do Innóvate entre os Concellos da provincia, seguro que saía máis barato e xa estábamos todos coa administración electrónica funcionando”.
O alcalde agarda que “esta ferramenta sexa realmente unha canle de comunicación entre administrador e administrado e que axilice trámites”.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
