RIBADEO (FNC) .- O alcalde de Ribadeo, Fernando Suárez, fixo esta mañá un balance moi positivo da Festa do Percebe que se celebrou o pasado sábado na parroquia ribadense de Rinlo.
O rexedor afirmou que “como alcalde de Ribadeo encóntrome cheo de satisfacción tralo éxito de participación, de público e de vendas que tivo a Festa do Percebe de Rinlo. Outro ano máis, podemos dicir que este evento xa está plenamente consolidado nas actividades lúdicas, turísticas e gastronómicas do verán aquí en Ribadeo e concretamente na parroquia de Rinlo”.
Suárez Barcia explicou que “se fixo un esforzo tamén por parte do Concello en canto á organización e ubicación dos aparcamentos para que todo o público tivera ben cubertas as súas necesidades. Os miles de persoas que estiveron ao longo de todo o día en Rinlo, dende logo deron boa conta de todos os kilos de percebes que había previsto que se venderan. Logo despois os restaurantes tamén colaboraron de maneira moi activa e foi un pracer ver a parroquia de Rinlo, esta parroquia pequeniña urbana que temos aquí en Ribadeo, como estivo ateigada de xente e cun ambiente magnífico. Dende logo, por parte do Concello de Ribadeo é toda unha satisfacción e agardamos que nos seguintes anos siga sendo un evento para defender un valor noso como é o percebe, unha calidade ligada a un pobo como é o de Rinlo”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
Reyco Burela FS convoca a todos os socios e socias á Asemblea Extraordinaria que se celebrará o martes 28 de abril no salón de conferencias de Burela (antiga biblioteca) nunha primeira convocatoria prevista para as 20.00 h. e segunda para as 20.30 h. O acceso será única e exclusivamente para socios e socias, que deberán asistir á xuntanza co carné de socio/a e o DNI. Orde do día: 1. Lectura e aprobación da acta anterior. 2. Situación económica xeral. 3. Procedementos xudiciais contra o club. 4. Accións adoptadas para a continuidade do club. 5. Rogos e preguntas
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
A parada principal foi Cee, onde a expedición foi recibida no Museo Fernando Blanco, afondando nos vínculos históricos entre ambos municipios. Durante a visita, o director do centro destacou a “dobre conexión” entre Ortigueira e Cee, lembrando a figura de Manuel Rebollar, músico ortegán que dirixiu a Banda de Música de Cee entre 1927 e 1940. O recordo ao artista foi un dos momentos máis emotivos da xornada, ilustrando os lazos culturais que unen ás dúas localidades desde hai case un século.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
