A Pontenova, 16 de setembro de 2014. O BNG da Pontenova pide a intervención das administracións local e galega para evitar o deterioro medio ambiental do Río Eo ao seu paso polo concello. Alertan da existencia de plantas invasoras procedentes de Sudamérica que están acabando co ecosistema propio do lugar, ademais os ameneiros á beira do río, van camiño de desaparecer atacadas por outras especies. Os nacionalistas expresan a súa preocupación non so desde o punto de vista medioambiental senón tamén porque consideran o río como unha fonte de recursos económicos que o goberno local está deixando perecer.
O BNG “anuncia iniciativas sociais e institucionais para denunciar e pedir solucións ante o que consideran un grave e continuado abandono do río Eo que noutros tempos foi unha referencia piscícola e fonte de recursos económicos para o concello e a súa cidadanía.” Non é de recibo, afirman, “que o goberno local mire para outro lado mentres se perde a riqueza medioambiental do concello e con ela un recurso propio que debera ser aproveitado.”
Por iso, desde o grupo municipal do BNG levarán ao vindeiro pleno ordinario unha moción para instar ao Goberno Municipal a que adopte as medidas oportunas para evitar a degradación do sistema fluvial e aproveitar o río como recurso ambiental e económico. Neste sentido, pedirán un acordo plenario no que tamén se inste á Xunta de Galiza a corrixir e recuperar as zonas afectadas.
Poñen como exemplo o da ponte do refuxio de Salmeán onde os ameneiros corren perigo de desaparecer atacados por unha praga invasora, pero poderíanse poñer moitos mais onde proliferan a “tradescantia fluminensis velloso” de procedencia sudamericana, “a crocosmia x crocosmiiflora”, de orixe sudafricano que en ambos casos que impide a subsistencia de especies propias do hábitat do río.
Os nacionalistas insisten en que a aparición de especies invasoras foráneas e o pouco coidado do río pon en perigo o conxunto dun ecosistema catalogado como “Lugar de importancia comunitaria LIC e forma parte da reserva da Biosfera do Río Eo, Oscos e Terras de Burón desde 2007. Toda esta zona forma parte do “Informe de Sostibilidade Ambiental” do ano 2010 que debera ser a guía para actuar sobre o territorio e garantir a sustentabilidade ambiental e económica do concello.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
