O PP rexeitou esta tarde no Congreso a proposición non de lei da deputada do BNG no Congreso, Rosana Pérez, que pedía a instalación de medidas de seguridade máis eficaces e avanzadas na A-8, entre Mondoñedo e Abadín, e cuxo debate tivo lugar este mércores na Comisión de Fomento.
A deputada do BNG comezou a súa intervención lembrando o fatídico accidente do 26 de xullo na A-8 á altura de o Alto do Fiouco, entre Mondoñedo e Abadín, no que faleceu unha mullere, e houbro 49 feridos. Rosan Pérez explicou aos membros da Comisión de Fomento que se trata dun tramo de 16 quilómetros no que se pasa dunha altitude de 176 metros a unha de case 700 metros, lugar caracterizado por espesa néboas.
Lembrou a parlamentar nacionalista que este tramo da A-8 foi inaugurado pola Ministra de Fomento en febreiro pasado, e pouco despois “xa se produciron accidentes de tráfico”. É unha zona caracterizada por continuos bancos de néboa, “que en moitas ocasións anulan por completo a visibilidade. Está considerado como o tramo máis perigoso da Autovía do Cantábrico”.
Nese sentido, aludiu ás manifestacións de veciños e conductores que denuncian a falla de visibilidade que “nalgúns momentos nin siquera lles permiten ver as balizas instaladas por Fomento”. Sinalou que as alternativas son as estradas N-634 e N-642 que non “están en condicións de soportar o volume de tráfico que se deriva dados os problemas existentes na A-8”. Subliñou que pola N-634 circula unha media de 8.000 vehículos a diario, que se incrementa en época estival.
Máis que estradas “intelixentes precisamos estradas seguras”, puxo de manifesto que en numerosas ocasións o BNG pediu a mellora destas estradas estatais.
Rosana Pérez sinalou que “após o accidente de xullo, o tramo estivo cortado durante varios días, e logo Fomento, através do Director Xeral de Estradas, anunciou unha batería de medidas”, que considera a deputada do BNG deixaba ás claras que existían fallos de seguridade. Facendo un símil coa accidente do Alvia en Angrois, Rosana Pérez preguntouse se “estas afirmacións, non lles lembra a algo? As medidas até o accidente eran insuficientes?”.
Advertiu que neste tramo se gastaron 192 millóns. “Non se pode pechar a autovía durante 300 días ao ano sempre que haxa néboa”, como se pretende.
Para a deputada do BNG esta autovía “é un exemplo de como se deseñan e constrúen as infraestruturas no noso pais, trazados inseguros que se inauguran a toda presa”. Rosana Pérez ironizou sobre as declaracións efectuadas por Ana Pastor cando se inaugurou o tramo, cando dixo que “esta autovía era segura, moderna e eficaz”, así como cando afirmou que “era un proxecto da UE para a posta en marcha de estradas “intelixentes”, máis nós agardamos que sexan tamén seguras”, enfatizou.
Rematou alertando que os cidadáns seguen a chamar ao 112 para denunciar que as luces anti néboa están apagadas e de que non hai visibilidade. Por iso, instou a Fomento e ao PP a aceptar esta proposición para que se instalen dispositivos máis avanzados porque “deducimos que non vai ser o único lugar do mundo con néboa, e que será moi habitual en países como Irlanda ou Escocia”. Así como a necesidade de emprender un plan de mellora da N-634 e da N-642.
EMENDAS DO PP E DO PSOE
Rosana Pérez aceitou a emenda do grupo socialista porque completa “as nosas propostas” ao plantexar que nos Orzamentos para o 2015 se inclúan partidas para adecuar a N-634 e a N-642”. Máis, non aceitou a emenda do grupo popular porque se limitaba a “manter as cousas como están”. Literalmente instaba a Fomento a “manter as medidas de seguridade necesarias para os casos de condicións meteorolóxicas adversas”, cando o BNG pide medidas novas e máis seguras.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
