Foz, 26 de setembro de 2014. O alcalde de Foz, Javier Jorge Castiñeira, fai unha valoración positiva do pleno da corporación local celebrado onte, no que se aprobou un convenio coa Dirección General de Tráfico (DGT) para mellorar os servizos que se prestan aos veciños do municipio.
“Dende o grupo de goberno do Concello de Foz facemos unha valoración positiva do pleno ordinario celebrado este xoves. Era unha sesión complexa posto que cambiou bastante a situación da corporación ao pasarse os catro concelleiros do grupo socialista a non adscritos e o concelleiro Xaime Cancio de Unifoz tamén a non adscrito. A solución que se deu para intervencións, rogos e preguntas foi aprobada por todos, completamente democrática, e todo o mundo puido intervir de forma organizada. Única e exclusivamente Unifoz mudou a súa opinión das comisións: cando estaba de acordo en cederlle un rogo e unha pregunta ao concelleiro escindido dos que tiñan cambiou de opinión e pasou a reclamar os tres rogos e preguntas que lle correspondían. Concedéuselle, pero iso demostra novamente a situación do grupo Unifoz, que non é capaz nin de cederlle un rogo e unha pregunta a un concelleiro que deixou as súas filas. Tampouco é comprensible porque polas explicacións que eles deron no seu momento dos motivos polos que Xaime Cancio abandonaba o partido parecía que todo era unha balsa de aceite, pero agora parece que non é así ou que Unifoz non é capaz de ceder nunca a nin unha soa pretensión a favor do pleno”, explicou Javier Castiñeira.
O rexedor municipal engadiu que “o resultado das mocións foi positivo, sobre todo na máis importante, que era a proposta do goberno presentada por urxencia para asinar un convenio coa Dirección General de Tráfico e a Policía Local de Foz para compartir programas informáticos, bases de datos e medios para mellorar a eficacia dos servizos. E interesante e vai redundar nos servizos que se van dar aos veciños, moitos deles sobre información e documentación que tiñan que levar a Tráfico e agora xa o van poder facer, unha vez que estea asinado ese convenio, na Policía Local de Foz”.
Castiñeira rematou comentando que “seguiremos así, en contra do que dicía o señor Xaime Cancio de que íamos negarlles a palabra a todas aqueles concelleiros que nos estaban adscritos a un grupo político; efectivamente é totalmente o contrario, novamente volveuse equivocar”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
