Fanto Fantini, despois do Festival Osa do Mar, ponse á fronte da organización do programa das carreiras solidarias “Alas de Vida” que van ter lugar esta fin de semana en Burela. Todo o recadado destinarase á asociación DEBRA (afectados pola enfermidade “Pel de Bolboreta”).
Programa carreiras benéficas “Alas de Vida”
-Sábado 27 de setembro:
11.30 horas: carreiras infantís
16.00h: carreira popular desde a Praza da Mariña até A Marosa (con actividades para nenos e chocolatada/bizcochada final). Inscripción solidaria de 3€ até 15 minutos antes do comezo da carreira
– Domingo 28 de setembro:
11.00 horas: saída desde a Praza da Mariña da Media Maraton de Montaña “Alas de Vida”. Inscripción solidaria de 10€ na páxina da empresa de cronometraxe (www.empa-t.com).
Ao rematar duchas no pavillón e comida de confraternización.
Máis información na páxina de facebook Alas de vida ou na páxina web para inscribirse www.empa-t.com.
Absolutamente todo o recadado destinarase á asociación da enfermidade “Pel de Bolboreta”. Para máis información sobre a enfermidade e sobre a asociación entrade na súa web: www.debra.es
Recordamos que tamén se poden achegar alimentos non perecedeiros, durante toda a fin de semana, para colaborar co Banco de Alimentos.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
