30 países de catro Continentes celebraron o pasado día 8, o declarado pola ONU “Día Mundial do Urbanismo”, creado en 1949. O diccionario da R.A,E. define o Urbanismo como “conxunto de coñecementos referidos ó estudo e progreso dos pobos en orde ás necesidades da vida urbana”. O diseño das cidades e vilas nos que impere a racionalidade, o respeto ó medio natural e á harmonía cós elementos culturais, históricos e paisaxísticos, contribuen en boa medida ó benestar; son garantes dunha vida mellor.
No informe da Sociedade de Urbanistas de certo país, pode lerse: “…tamén é cuestionable que as autoridades municipais e rexionais se entregaran ó albedrío de construir ou remodelar espacios urbáns que, con razón, xeneran as protestas dos cidadáns; eso sen considerar os indicios de corrupción…”. É sabida a trascendencia que para a sociedade ten o urbanismo, que debe concebirse para disfrute dos bens naturais, que son de todos, e que polo mesmo convértense en presa codiciada por unha actividade económico/política que nos últimos 20 anos acadou niveis de escándalo.
Os focegos temos entre mans un tema que esixe unha reflexión serena e racional ; xenerosa, con visión de futuro, dende o maior respecto posible ó medioambiente, evitando ó máximo as agresións ós sentidos: vista, oído, olfato… Daí a pregunta, ¿cal será o futuro da depuradora? Acaba de celebrarse a que debería ser xornada de reflexión sobre asunto tan importante, e que pasou inadvertida, precisamente nunha bisbarra na que a conflictividade urbanística e o “feísmo” acadan niveis de liderago. Sería bó que o Día Mundial do Urbanismo marcara un paso adiante e nalgunha medida iluminara as mentes dos que teñen a responsabilidade de decidir. A insultante, por cheirenta, experiencia vivida pola veciñanza, dende hai unha ducia de anos da súa ubicación en augas da ría, nun alarde de barbarie ecoloxista, que contou co beneplácito e a defensa apoloxística dos manilladores do concello, desditadamente susceptible de repetirse…
Suso Fernández
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
