A Vicepresidenta Segunda, Lara Méndez, acompañada do director de Fondos Europeos e Novas Tecnoloxías, Pablo Rivera, e unha vintena de empresarios da provincia, anunciou este xoves que a Deputación abrirá en Lugo, Viveiro e Monforte de Lemos centros nos que prestará asesoramento, apoio e formación individualizada e gratuíta ás PEMES e autónomos lucenses. Para iso, o organismo provincial amplía as funcións do Centro de Innovación Social, o In Lugo. “Se ata o de agora centrou as súas actividades nas persoas da terceira idade, a partir deste mesmo luns o In Lugo ofrecerá tamén servizos no eido tecnolóxico para as empresas”, explicou a Vicepresidenta.
No acto, Méndez salientou que con esta iniciativa “cumprimos cunha das grandes demandas que nos trasladaron as máis de 500 empresas que participaron xa nos diversos programas de fomento das TIC que levamos impulsando nestes últimos anos: un espazo físico para recibir apoio continuo no eido das novas tecnoloxías”. O centro de asesoramento de Lugo estará nas propias instalacións do Centro de Innovación Social (na rúa Frei Plácido Rei Lemos); en Viveiro funcionará na Avenida de Cantarrana, 6; e en Monforte, na rúa Escultor Francisco Moure, 17.
A Vicepresidenta Segunda destacou que con estes novos servizos “damos un paso máis na nosa aposta por fomentar a incorporación e uso de ferramentas tecnolóxicas no tecido empresarial co obxectivo de fortalecelo e, deste xeito, crear emprego e recuperar poboación na provincia, obxectivos que para nós son prioritarios e irrenunciables”.
“As novas tecnoloxías fan ás PEMES e autónomos, columna vertebral da nosa economía, máis competitivas, melloran a súa produtividade, facilitan o seu funcionamento e xeran plusvalía”, afirmou Méndez, razón pola que “levamos case 8 anos, dende que entramos no Goberno provincial, traballando neste eido”, asegurou, con iniciativas como a plataforma de comercio electrónico www.losproductosdelugo.com, onde hoxe venden os seus produtos máis de 150 empresas; o plan Dinamíz@TE, a través do que a Deputación fará un plan de mellora do negocio a 300 PEMES e autónomos; e o Plan Ben Empregado!, no que o organismo provincial dá axudas ás empresas para contratar empregados.
20 postos de traballo
Coa apertura deste tres novos centros de asesoramento a Deputación creará máis de 20 postos de traballo, “que son as persoas que se ocuparán de atender ás empresas nas propias oficinas, pero que tamén se desprazarán pola provincia se así o necesitan os empresarios”, subliñou a Vicepresidenta Segunda. O lanzamento deste servizos, que se engloba baixo a denominación de Innova Empresa 2.0, finánciase nun 80% con fondos europeos, aínda que, segundo avanzou Lara Méndez, “a nosa intención é mantela no tempo con fondos propios”.
A onde dirixirse
As empresas que queiran beneficiarse ou coñecer máis sobre esta iniciativa que arrancará o vindeiro luns, 12 de xaneiro, poden chamar xa ao número de teléfono 982-22-51-86 ou ben achegarse ao Centro de Innovación Social, na rúa Frey Plácido Lemos, s/n.
Outros servizos paralelos aos centros
Ademais de asesoramento, os centros desenvolverán actividades formativas e divulgativas, como xornadas e talleres, e tamén mostrarán novas ferramentas tecnolóxicas aos empresarios. Así mesmo, dentro do seu obxectivo de impulsar e dinamizar o tecido empresarial da provincia e consciente do auxe dos dispositivos móbiles desenvolverá aplicacións móbiles (APPS) para potenciar os tres sectores estratéxicos da provincia: agroalimentario, turístico e forestal, tal e como anunciou o director de Fondos Europeos e Novas Tecnoloxías, Pablo Rivera.
300 prazas e 18 actividades para os maiores da provincia
O In Lugo incorpora as novas funcións de asesoramento, apoio e formación ás empresas, pero continúa tamén coa súa actividade habitual dirixida a mellorar a autonomía e calidade de vida dos maiores a través das novas tecnoloxías. Lara Méndez lembrou que “máis de 5.000 persoas pasaron xa polo In Lugo dende a súa posta en marcha no 2011, e a partir da vindeira semana terán a oportunidade de facelo outras 300 en 18 actividades diferentes de gran utilidade e moi amenas.” Haberá cursos e talleres para mostrar aos maiores como funciona un ordenador, unha tablet, navigar por internet, manexar o móbil, o smartphone… Toda a información está colgada na web, www.deputacionlugo.gal, onde as persoas interesadas xa pode inscribirse.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
