A comisión de listas de FPF reunida este venres informou da participación de 72 persoas dun censo total de 83 no proceso de elección de candidato.
Cun 62,5% de voto en urna e un 37,5% de voto por internet. Non houbo votos en blanco, o 100% do apoio recae no candidato.
Así pois, queda proclamado candidato ás vindeiras eleccións municipais ao Concello de Foz; Luis Alfonso Sixto Legaspi.
DECLARACIÓNS
Realizamos un chamamento a unha nova xeración de focenses para abrir unha era, a alternativa política de goberno para o noso pobo de Foz.
Unha alternativa baseada nun avance decidido na calidade democrática, a implantación de novidosos procesos de participación, unha potenciación na comunicación municipal, e sobre todo baseada na recuperación da soberanía municipal, que Foz volva a gobernarse dende Foz. Xa está ben de someterse aos poderes fácticos, en moitas casos non elixidos por ninguna urna, que converten aos representantes dos nosos pobos en servos do poder.I so vaise acabar.
Por iso, dende “Foz, Plataforma de Futuro” propoñemos non gobernar con ningún candidato que leve máis de tres lexislaturas no mesmo cargo.
Somos víctimas do sistema de poder instaurado polos partidos tradicionais, un poder que moldeu a sociedade á súa medida, é hora de que a sociedade molde e ese poder para acércalo ás necesidades da xente do común.
Soplan ventos de cambio para Foz. A veciñanza organizada entorno ao fragor dunnovo tempo, un proxecto en rede apoiado na tecnoloxía e nunha nova xeración, cun protagonismo do colectivo e creando sinerxias que devolva o esplendor a este municipio.
O punto de partida dunha nova hexemonía veciñal e modernizadora na Mariña comeza en Foz, un movemento que terá un peso real e decisivo nas institucións supramunicipais e traerá máis prosperidade á nosa comarca.
Somos unha alternativa humilde, pero moi digna e temos dúas certezas absolutas: a nosa vontade e a crenza en vós.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
