O Burela Pescados Rubén cae na complicada pista do Peñíscola Bodegas Dunviro (4-1) nun choque que se decidiu no tramo final. O encontro caracterizouse pola iguadade entre ambos conxuntos que exerceron unha forte presión sobre o rival. A claridade defensiva contrastaba coas sombras en ataque de dous equipos que erraban no último pase para poder xerar perigo. Sen incidencias no marcador chegouse ao descanso e na continuación o guión mantívose.
Moita intensidade e máxima concentración na pista sen que ningún dos equipos realizase concesións ao seu rival. O equilibrio rompeuse co 1-0 logrado por Juanqui, minuto 30, que propiciou un cambio de rumbo no encontro. O Burela Pescados Rubén reaccionou e xerou maior perigo a un Peñíscola que defendía a súa renda con apuros. O conxunto mariñao acariñaba o empate no seu mellor momento do choque pero un contragolpe local finalizado por Míchel supuxo o 2-0, minuto 36. O 2-0 acelerou o encontro cun Burela Pescados Rubén que apostou polo xogo de cinco e tivo ocasión de recortar aínda que o Peñíscola estivo máis certeiro para sentenciar o partido por mediación de Gonzalo, minuto. 38. Axiña acurtou distancias Matamoros (3-1) ao aproveitar o rexeite de Iván no lanzamento de penalti do propio killer laranxa. Nos instantes finais Yeray redondeou a vitoria co 4-1 final.
Ficha técnica
Peñíscola Bodegas Dunviro: Iván, Yeray, Míchel, Gonzalo, Constantino-cinco inicial- Fran Conde, Asensio, Ureña, Javi Alonso, Pau, Juanqui.
Burela Pescados Rubén: Álex, Bellvert, Antoñito, Chano, Behroz –cinco inicial- Iago Míguez, Matamoros, Carlitos, Helder, Miguel.
Goles: 1-0, m.30, Juanqui; 2-0, m.36, Míchel; 3-0, m.38, Gonzalo; 3-1, m.39, Matamoros (p); 4-1, m.40. Yeray.
Árbitros: Felipe Madorrán, Gereta Ramírez.
*Foto: Prensa Peñíscola.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
